شانۆ دشێت نامەیان بگەهینتە هەموو خەلكێ جیهانێ
سندس سالح سلێڤانەیی:
شانۆڤان (هیڤان شەعبان دێوالی) د دیدارەكێ دا بۆ رۆژناما ئەڤرۆ دیاركر كو ئەو دەرچۆیا پشكا دەرهێنانێ یە ل پەیمانگەها هونەرێن جوان و ئەڤە پێنج سالن دبۆارێ شانۆیێ دا كاردكەت. ناڤهاتیێ گۆت: هەلبەت حەزا من بۆ كارێ شانۆیێ یا بەری چەندین سالانە و ئەز شانۆیێ ب كارەكێ پیرۆز دزانم، چنكو ئەم بڤی كاری دشێین بەرسڤا گەلەك تشتا بدەین، هەروەسا نامەیا خوە بگەهینە هەموو خەلكێ جیهانێ، هەتا نوكە دۆژمنان ژی، ژبەر هندێ من ئەڤ كارە هەلبژارت، راستە وەك كچ دەستپێكێ بۆ من یا ب زەحمەت بوو، لێ رژدی و دلسۆزیا من بۆ شانۆیێ، هەروەسا پشتەڤانیا خێزانێ ئەز شیام هەموو ئاستەنگان دەربازبكەم و هەتا نوكە یا بەردەوامبم، بۆ زانین هەتا نوكە من پشكداری د چەند شانۆگەریان دا كریە و بۆ دەمێ بهێت دێ هندەك كارێن نوو هەبن.
