شیایمە شوون تبلێن خوە د ناڤ مۆزیكا كوردی دا دیار بكەم
سولین سلێمان:
مۆزیكژەن (مۆكریان ئەبو بەكر) د دیدارەكێ دا بۆ رۆژناما ئەڤرۆ دیاركر كو دژیەكێ بچووكدا وی ئامیرێ چەلۆ دژەنی و ژبلی وی ئامیری دشێت سێ ئامیرێن دی یێن مۆزیكی بژەنیت و ب گۆتنا وی پشتی گەهشتیە وەلاتێ سوید شیایە خوە بگەهینتە چەند مۆزیكژەنێن وی وەلاتی و ل گەل وان چەندین پشكداری هەنە.
ناڤهاتی دبێژیت: هەرچەندە ئامیرێ من یێ سەرەكی (چەلۆ) یە، لێ ئەز (كەمان و عۆد و ساز) ێ ژی دەژنم، من ل گەل چەندین تیپێن مۆزیكی یێن جیهانی كاركریە، هەروەسا چەندین كلیپ ژی چێكرینە، بۆ زانین من پەیمانگەها هونەرێن جوان ب دووماهی ئینایە و ل سوید ژی ماستەر دبۆارێ مۆزیكێ دا ئینایە و شیایمە شوون تبلێن دناڤ مۆزیكا كوردی دا دیاربكەم.
