ترامپ: رۆسیا بۆ ئاشتیێ ل گەل ئۆکرانیایێ یا بەرهەڤە
دۆنالد ترامپ سەرۆکێ ئەمریکا دیار کر رۆسیا بەرهەڤە دووماهیێ ب شەڕی بینیت و قۆناغەکا نوو دەستپێ بکەت، لێ بەری نها زیلێنسکی بەرهەڤ نەبوو، وی دڤیا وەکو سەردەمێ بایدنی دیسان ب پارەیێ ئەمریکا شەڕێ رۆسیا بکەت، لێ ئێدی تشتەک وەسا نەما و ئەز ب باوەرم نها ئۆکرانیا ژی یا بەرهەڤە ل گەل رۆسیا دانوستاندنان بکەت و ئەم وەکو ئەمریکا د رژدین شەڕێ هەی ب دووماهی بینین.
ترامپی د پشکەکا دی یا ئاخڤتنا خوە دا جارەکا دی ب توندی ئێرشی جۆ بایدنێ سەرۆکێ بەرێ یێ ئەمریکا کر و دیار کر، بایدن خرابترین سەرۆکێ ئەمریکا یە، وی زیانێن گەلەک مەزن گەهاندنە بەرژەوەندیێن ئەمریکا، لێ نها قۆناغەکا نوو دەستپێکریە، ئەم رێ نادەین زیان بگەهنە بەرژەوەندیێن ئەمریکا، ژ بۆ بهێزکرنا پێگەهێ ئەمریکا ئەم کار دکەین و دێ یا پێدڤی ژی هێتە کرن و مە دڤێت جارەکا دی ئەمریکا د هەموو بیاڤان دا ببیتە هێزا هەری مەزن و کاریگەر ل جیهانێ.
