ب ئامادەبوونا د. سالا عوسمان ئۆفیسا نوو یا دەزگەهێ موكریانی هاتە ڤەكرن
ب ئامادەبوونا د. سالار عوسمان، ئەندامی كۆمیتەیا ناڤەندی و بەرپرسێ بەشێ ڕەوشەنبیری و ڕاگەهاندنا پارتی و هژمارەیەكا بەرچاڤ یا نڤیسەر و ڕەوشەنبیر و شاعیر و ئەكادیمیستان، ل رۆژا 10/3/2025 ڕێوڕەسمێ ڤەكرنا ئۆفیسا نوو یا دەزگەهێ چاپ و بەلاڤكرنا موكریانی برێڤەچوو.
د. سالار عوسمان، بەرپرسێ بەشێ ڕەوشەنبیری و ڕاگەهاندنا پارتی دیموكراتی كوردستان گوتارەك پێشكێشكر و گۆت: «كوردستان و كورد و كەلتوور سێ بنەمایێن گرنگێن كاركرنا دەزگەهێ چاپ و بەلاڤكرنا موكریانینە».
گۆتژی: «ڤەكرنا ڤێ ئۆفیسێ پێنگاڤەكا گرنگە و جۆرەكە ژ گرینیدان ب بیاڤێ كتێب و چاپ و بەلاڤكرنێ«.
پاشی كاروان عەبدو للا، رێڤەبەرێ دەزگەهێ چاپ و بەلاڤكرنا موكریانی ئاماژە ب كار و چالاكی و بەرهەمێن گرنگێن دەزگەهی د دەمێ بۆری دا كر.
دەزگەهێ چاپ و بەلاڤكرنا موكریانی ل 4/7/2000 ل باژێرێ هەولێرێ هاتیە دامەزراندن، هەر ژ دەستپێكێ هەتا نوكە هزار و 100 ناڤونیشان د بیاڤێ مێژوو، جیۆگرافیا، هزر، فەلسەفە، هونەر، سیاسەت، جڤاكی، ئەدەب، كتێب بۆ زارۆكان، فەرهەنگ، چاپ و بەلاڤكرینە.
