هەکە رەوشا نەخۆشێ دلی تێکچوو دڤێت ڕۆژیێ بخۆت
د. مەجید حسێن دۆسکی، تایبەتمەندێ نەخۆشیێن دل و هناڤا دیارکر کو پتریا نەخوشێن ئێشێن دلی هەین دشێن روژیێ بگرن و روژی رێکەکا کاریگەرە بو باشتر خوپاراستن و پارێزێ بو ڤان ئێشان و گۆت: ب تنێ ئەو نەخوشێ دلێ وی لاواز بووی یان دگەل ئێشا دلی گولچیسکێۆ وی ژی لاواز ببن یان تووشی ئێشا شەکرێ ببیت و پێدڤی ب دانانا کەرەستێ ئینسولینێ ببیت یان هەر نەخوشەکێ نۆشدارێ وی دبینت روژی دێ کارتێکرنێ ل رەوشا وی یا ساخلەمیێ کەت دڤێت روژیێ نەگرت و کەفارەتێ بدەت..
هەروەسا دیارکر ئەو نەخوشێ ژ نیشکەکی ڤە تووشی جەڵتا دلی دبیت دڤێت روژیێ بخۆت و پاشی قەزا بکەت پشتی نۆشدار ژ رەوشا وی پشت راست دبن و گۆت: ل دەمێ روژی گرتنێ هەر وەختەکێ نەخکشی هەستکر کو رەوشا وی یا ساخلەمیێ یا تێکدچیت پێدڤیە دەملدەست روژیێ بخۆت و سەرەدانا نۆشداری بکەت و پاشی روژی بهێتە قەزا کرن پشتی جێگیربوونا رەوشا وی.
دیارکر ژی یا گرنگە نەخوشێ دلی ل هەیڤا رەمەزانێ دەرمانێ دەستاڤا زراڤ زێدە دکەت دگەل فتارێ بخۆت دا بشێت ئاڤێ ڤەخوت دا تووشی هشکبوونێ نەبیت، و دڤێت دەرمان بهێنە دابەشکرن لسەر فتارێ و پاشیڤێ.
نەخۆشێ دلی دڤێت فتارێ لسەر ئێک نەخۆت بەلکو باشترە دو تا سێ جارا و هەر جار پیچەکێ بخوت دا کارتێکرن ل رەوشا دلێ وی نەبیت.
گۆتژی: یا گرنگە خوارنێن قەلەوی و شریناهی گەلەک کێم بهێنە خارن و زێدەتر کەسکاتی و فێقی بهێتە خارن.
دڤێت هەر کەسەک ژ سەر خارنێ راببیت و هێشتا هەستا برسێ پیچەک یا مای..دڤێت خارنێ زێدە نەخوین و ئەم ئاگەهی کێشا لەشێ خو ببین د مەها رەمەزانا پیروز دا.
دەربارەی وەرزشێ ژی گۆت: باشترە وەرزش پشتی فتارێ ب دو هەتا سێ دەمژمێرا بهێتە کرن، نەک ل دەمێ روژی گرتنێ یان ئێکسەر پشتی فتارێ.
