ب حه‌فت ملیار و 500 ملیۆن دۆلاران وه‌به‌رهێنان ل كه‌رتێ گه‌شت و گوزارێ هاتیە کرن
هەولێر، قائید میرۆ:
په‌یڤدارێ ده‌سته‌یا گه‌شت و گوزارێ ئاماژه‌كر: لسه‌ر ده‌مێ كابینا نه‌هێ ب قه‌بارێ حه‌فت ملیار و 500 ملیۆن دۆلاران وه‌به‌رهێنان ل كه‌رتێ گه‌شت و گوزارێ هاتیه ئه‌نجامدان.
ئیبراهیم عه‌بدولمه‌جید، په‌یڤدارێ ده‌سته‌یا گشتیا گه‌شت و گوزارێ بۆ رۆژناما ئه‌ڤرۆ دیاركر» لسه‌ر ده‌مێ كابینا نه‌هێ یا حوكمه‌تا هه‌رێما كوردستانێ ب قه‌باره‌یێ حه‌فت ملیار و 500 ملیۆن دۆلاران وه‌به‌رهێنان ل كه‌رتێ گه‌شت و گوزارێ هاتیه ئه‌نجامدان و دده‌مێ پێنج سالێن بۆری هژماره‌كا پڕۆژێن گه‌شتیاری هاتینه ئه‌نجامدان كێم وێنه‌بووینه و وه‌به‌رهێنانه‌كا باش د كه‌رتێ گه‌شاری دا هاتیه‌كرن، ئه‌ڤه‌ژی بۆ پێشخستنا كه‌رتێ گه‌شت وگوزارێ، سیاسه‌تا حوكمه‌تا هه‌رێما كوردستانێ ژی ئه‌ڤه گه‌شت و گوزار ببیته ژێده‌رێ داهاتی بۆ هه‌رێما كوردستانێ.
ئیبراهیم عه‌بدولمه‌جید گۆتژی» تنێ سالا بۆری 2024ێ ب سه‌رمایێ 300 ملیۆن دۆلاران وه‌به‌رهێنان ل كه‌رتێ گه‌شتیاری هاتیه‌كرن و پڕۆژه‌یێن گه‌شت و گوزارێ هاتینه ئه‌نجامدان، كو هژماره‌ك ژوان پڕۆژێن گه‌شتیاری ستراتیژینه و دێ كاریگه‌ری لسه‌ر كه‌رتێ گه‌شت و گوزارێ هه‌بیت و كه‌رتێ گه‌شتیاری دێ جاره‌كادی ڤه‌ژیت.
