رێز ل گیانێ شەهـیدێن كێمیابارانكرنا هـەلەبجە هاتە گـرتن
د بیرئینانا 37 سالیا كێمیابارانكرنا هەلەبجە دا، ل سەرانسەری هەرێما كوردستانێ، رێز ل گیانێ شەهیدێن وێ كارەساتێ هاتە گرت، ل پارێزگەها دهۆكێ و ئیدارەیا سەربخوە یا زاخۆ و دەڤەرداری و ناوچەداریێن ب سەرڤە ژی رێز ل گیانێ شەهیدێن كێمیابارانكرنا هەلەبجە هاتە گرتن و پێنج خولەكان بێدەنگ راوەستیان.
دیسا د بیرئینانا 37 سالیا كێمیا بارانكرنا هەلەبجەیا شەهـید دا دوهی 16/3/2025 سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهۆكێ و ئامینا زكری، ئەنداما مەكتەبا سیاسی و بەرپرسا دەستەیا چاڤدێری و دووڤچوونا پارتی و بەرپرسێ بەشێ هەلبژارتنێن پارتی و هاریكار و سەرۆك بەشێن مەكتەبا رێكخستنێ و بەرپرس و دەستەیا كارگێریا هەر پێنج لقێن (ئێك و هەشت و نەهـ و هەژدە و بیست) وەك وەفایەك بۆ گیانێ قوربانیێن كارەساتا كێمیابارانكرنا هـەلەبجە پێنج خولەكان ب بێدەنگی راوەستان و رێز ل گیانێ شەهـیدێن كێمیابارانكرنا هـەلەبجە هاتە گرتن.
