فێلباز ٭
نڤیسین: ئەنتۆن چیخۆف
وەرگێڕان ژ عەرەبی:
شیان مەهدی كانیساركی
د دەمەكیدا ل وەلاتێ بڕیتانیا ئەو كەسێن ل دادگەهێ سزایێ سێدارەدانێ بۆ دەردكەفت، ماف هەبوو كڕین و فرۆتنێ ب ئەندامێن لەشێ خوە بكەن و ب فڕۆشنە نۆژدارێن تایبەتمەند و زانایێن فیزیۆلۆجی. ئەو پارەیێ پێڤەدهات ژی بۆ خێزانێن وان كەسان دهاتە پێشكێشكرن، یان ژی مەیی بۆ كەسێ دادگەهكری پێ د كڕین. ئێك ژ وان كەسێن تاوانەكا كوشتنێ ئەنجامدای و سزایەكێ توند بۆ دەرچوویی، ڕادبیت ب داخوازكرنا ئێك ژ نۆژدارێن مەزن یێن بسپۆر ب ئەندامێن لەشێ مرۆڤان و پشتی گەنگەشەیەكا درێژ و بازاركرنێ، لەشێ خوە هەمی ب دو دەرهەمان»جونەیهان» فڕۆتێ، دەمێ پارەیێ وی كرییە ددەستێ وی دا، ژ نیشكەكێ ڤە تیق تیقا كەنیێ وی ب سەر ژۆرێ كەفت. نۆژداری ب مەندەهۆشی ڤە گۆتێ:» تو بۆچی دكەیە كەنی؟». بەرسڤدا: « هههه، تە لەشێ من ژمن كڕی هەر وەكی ئێكێ دێ هێتە سێدارەدان». نۆژداری گۆتێ:» ئەڤجا چ كەنی تێدایە، نێ من فێلبازی ل تە كر». ئەوی گۆتێ: « نێ دێ من سۆژن»!
٭ بۆ جارا ئێكێ ئەڤ چیڕۆكە ل بن ناڤ و نیشانێن «زەلامێ بێ خالخالك» د گۆڤارا «ئەسكۆلكی» یا وێژەیا تڕانەپێكەر «الساخر»دا یا ژمارەیا 25 ل سالا 1885ز بەلاڤبوو.
