هەیڤا مەرد و لێزڤڕینێ
جەگەر كەمال ڕێكانی
ڕەمـــەزان شــاهــا هەیڤانی
هـــیــڤـــی و داخوازا دلانی
هـــەیــڤــا خێر و بەرەكەتێ
وەك خۆناڤا ل سەر گولانی
هـەیڤـا قەنجی و لێبۆرینێ
یـــا مــەردینـی و لێزڤڕینێ
ژبــۆ مـــە تـــەڤ موسلمانا
قورئانە دەســتـوورێ ژینێ
خـــودایێ مـــە تـۆبەدارین
خــەم و كۆڤانا ئـەم خارین
داخـــوازا مـــە رەحما تەیە
گـــونـــەهـ زۆر و لبن بارین
بــەنـدێن تـەینــە پڕ لاوازین
دلـۆڤــانــیـــا تـــە د خوازین
دەرێ رەیـــان بـۆ مــە ڤەكە
ناڤ بەهەشتێ سەرفەرازین
ژبـلی تــــە مــە كـەس نینە
ئـەڤ دونیایــە پـــڕ خائینە
مــە پــارێــزە ژ داڤـێـن وێ
زڤڕین بۆ مە خۆش زەمینە
