ژ بەر قووناغا ئاشتیێ دەست ژ پارتا خوە بەردان
سەرۆکێ لقێ (ئی پارتی) و ٧ رێکخستنێن وێ و ب دەهان کادرێن وێ پارتێ یێن پارێزگەها مێردینێ یا باکورێ کوردستانێ دژبەریا خوە ل هەمبەر سیاسەتا پارتا خوە دیار کرن و راگەهاندن ئەو پشتەڤانیێ ل قووناغا ئاشتیێ دکەن و ژ بەر ڤێ یەکێ ژی دەست ژ ئەندامەتیا ئی پارتیێ بەرداینە، چونکی سیاسەتا نها یا ئی پارتی د خزمەتا ئاشتیێ و راگرتنا شەڕی دا نینە و بەرپرسێن ئی پارتی ل گۆر بەرژەوەندیێن خوە یێن تەنگ سەرەدەریێ ل گەل پاشەرۆژا تورکیا دکەن.
سلێمان ئاکار بەرپرسێ لقێ ئی پارتی ل مێردینێ ئەو یەک ژی دیار کر، وان دڤێت شەرێ چەندین سالان ل تورکیا ب دووماهی بهێت، نها سەردەمێ ئاشتیێ و پێکڤەژیانێ یە، هەر هێزەک ل دژی ئاشتیێ بیت دڤێت گەلێ تورکیا وێ هێزێ سزا بدەت، چونکی نابیت کەس ل دژی ئاشتیێ و پێکڤەژیانێ بیت، چونکی ژ بەر شەڕێ چەندین سالێن بۆری زیانێن زۆر مەزن گەهشتینە تورکیا.
