نابیت کچ بەری 21 سالیێ شوو بکەت
ڤەکۆلینەکا نوی دەرئێخستیە ئەو ژنێن بەری عەمرێ 21 سالیێ زارۆک دبن، ئەگەرێ تووشبوونا وان ب نەخۆشیێن شەكرێ جۆرێ دوێ و سستبوونا دلی دو جارا زێدەترە. ل دویڤ ڕۆژنامەیا “زە ئیندیپێندنت”یا بریتانی، ڤەکۆلینێ داتایێن نێزیكی 200 هزار ژنێن پشکداربووی ل سەنتەرێ ڤەکۆلینێن بایۆبانك یێ بریتانیا شلوڤەکرینە و كاریگەریێن ساخلەمیا دەستپێکا عەمرێ بالقبوون و زارۆکبوونا زوو پشكنین بۆ كرینە. تیمێ پەیمانگاها باك بۆ ڤەکۆلیاێ لەک سەر پیربوونێ بۆ دەركەفتیە كو زارۆکبوونا بەری عەمرێ ٢١ سالیێ دشێت لێكەفتنێن جددی ل سەر ساخلەمیا خانمان دروست بکەت، كو ئەگەر هەیە ببیتە ئەگرێ نەخۆشیا شەكرێ جۆری دوێ و سستبوونا دلی و بلەزخستنا پیربوونێ. هەروەسا د ڤەکۆلینێ دا دەركەفتیە كو ئەگەرێ تووشبوونا وان ب تێكچوونا دژوار یا گۆڕانكاریێن خوارنێ چار جارا زێدەترە. ڤەکۆلەران ئاماژەكریە كو ئەو كچێن بەری عەمرێ ١١ ساڵی دگەهنە عەمرێ بالقوونێ، ڕەنگە ڕوو ب ڕووی هەمان مەترسی ببن.
