رێنمایێن ب کارئینانا حەبێن ئەسپرین
خوارنا حەبێن ئەسپرین بۆ خۆپاراستنێ ژ نەخۆشیێن دلی و مەژی ژلایێ وان کەسێن ساخلەم کو چ نیشانێن نەخۆشیێن دلی و دەمارێن خوینێ و مەژی نەبن رێنمایێن تیما ئەمریکی یا خزمەتێن خۆپاراستنێ – کەسێن پێگەهشتی کو عەمرێ وان دناڤبەرا 40 بوو 59 سالیێدابیت و 10% یان پتر مەترسیا تووشبوونێ ب نەخۆشیێن دلی و موودەمارێن خوینێ هەی: پێدڤیە جورعەکا کێم یا ئەسپرینی وەربگرن 81ملگم ڕۆژانە بۆ پاراستنا وان ژ نەخۆشیێن دلی، پێشبینیا مەترسیا وان ب تووشبوونێ ب نەخۆشیێن دلی پالپشتیێ دکەتە سەر هژمارتنا هندەک خالا وەک عەمر، رەگەز، جگارەکێشان، تووشبوون ب نەخۆشیا شەکرێ، کولیسترولێ باش و خراب، بلندبوونا فشارا خوینێ، ب کارئینانا دەرمانێن فشارێ، چەند رێژا وان پتر بیت، مەترسی زێدەترە. – پێگەهشتیێن 60 سالی و سەردا: ئەسپرین ناهێتە ب کارئینان وەکو رێیەکا دەستپێکی بۆ خۆپاراستنێ ژ نەخۆشیێن دلی. ئەڤ رێنمایە بۆ کێ دروستن؟ ئەڤ رێنمایە لسەر کەسێن 40 سالی و پێهەل دهێنە بجهئینان ئەوێن چ نیشانێن نەخۆشیێن دلی و موودەمارێن خوینێ نەبن، ئەو کەسێن مەترسیا تووشبوونێ ب خوینبەربوونێ نەبیت بۆ نموونە قەرحا مەعیدێ و خوینبەربوونەکا نوی نەبیت و دەرمانێن مەترسیا تووشبوونێ ب خوینبەربوونێ ژی ب کارنەئینیت. تشتێ نوی دڤان رێنمایان دا ئەڤەنە: * پێدڤیە کەسێن ب رێژا 10% و پێهەلتر مەترسیا نەخۆشیێن دلی لسەر هەین، دعەمرێ 40 سالیێدا ل جهێ 50 سالیێ دەست ب خوارنا ئەسپرینا بکەن، داکو ژ نەخۆشیێن دلی بهێنە پاراستن. * پێدڤیە دەست ب خوارنا حەبێن ئەسپرین بهێتەکرن وەکو بڕیارەکا تاکی ل جهێ ببیتە شێوازەکێ ڕۆتینی بو هەمیان بۆ هەمی کەسان ب تایبەت ئەو کۆمێن پتر مەترسی لسەر هەی کو تووشی نەخۆشیێن دلی و موودەمارێن خوینێ ببن. * وەسیەتا نوی هەیە کو نابیت ئەسپرینێ بدەنە کەسێن 60 سالیێ و پتر ب مەرەما خۆپاراستنا دەستپێکی. * ب کارئینانا ئەسپرینێ مەترسیا تووشبوونێ ب پەنجەشێرا قولونێ و کماخێ مرنێ کێم دکەت.
