حزبوللا یا لوبنانێ پێگەهێ خوە یێ جاران نەمایە
رۆژنامەیا (ندای وطن) یا لوبنانێ د راپۆرتەکێ دا ئاماژە ب ڤێ یەکێ کریە، نها پڕانیا خەلکێ لوبنانێ وەسا دبینن ئیرانێ دڤێت ب رێیا حزبوللا لوبنانێ رەوشا وی وەلاتی تێک بدەت و حزبوللا لوبنانێ پێگەهێ خوە یێ جاران نەمایە و خەلک دخوازن چەک تنێ د دەستێ دەولەتێ دا بیت و ژ بەر ڤێ یەکێ ژی دخوازن حزبوللا ئێدی نەبیتە کارتەک د دەستێ ئیرانێ دا، چونکی یا نها حزبوللا دکەت ب تەمامی ل دژی بەرژەوەندیێن خەلکێ لوبنانێ یە و دڤێت حزبوللا ئێدی نەبیتە مەترسی بۆ پاشەرۆژا لوبنانێ.
هەمان رۆژنامەیێ ئەو یەک ژی دیار کریە، خەلکێ لوبنانێ ژ سەرەدانا ڤێ دووماهیێ یا عەلی لاریجانی سکرتێرێ جڤاتا ئاسایشا ئیرانێ ژی گەلەک توورە بووینە و دخوازن ئێدی ئیران دەستێوەردانێ د کاروبارێن وەلاتێ وان دا نەکەت، چونکی خەلکێ لوبنانێ نەڤێت وەلاتێ وان ببیتە پارچەیەک ژ شەڕ و ئالۆزیێن نها ل دەڤەرێ.
