هەژمارەكا پڕۆژەیێن گەشتیاری ل سەرسنكێ دهێنە دروستكرن
دهۆك، لەزگین جۆقی:
رێڤەبەرییا گشتی یا وەبەرهێنانێ ل پارێزگەها دهۆكێ راگەهاند، پلانەكا تایبەت بۆ ناوچەداریا سەرسنكێ هەیە، ژ پێخەمەت پتر راكێشانا گەشتیاران بۆ دەڤەرا سەرسنكێ و دبێژیت: پڕۆژەیێ مەلەڤانگەها ئولمپی و سینەما هاڤینێ یا سەرسنكێ دێ هێنە چێكرن.
د. هەڤال سەدیق، رێڤەبەرێ گشتیێ وەبەرهێنانێ ل پارێزگەها دهۆكێ بۆ رۆژناما ئەڤرۆ گۆت: «ئەم بزاڤێ دكەین، سروشتێ گەشتیاریێ ناوچەداریا سەرسنكێ ڤەگەڕینین، ئەو پڕۆژەیێن گەشتیاریێن ل دەڤەرا سەرسنكێ ل سەر شێوازێ خۆ یێ كەڤنار بهێنە چێكرن و بكەڤنە د خزمەتا خەلكی دا، ئەڤە دێ بنە فاكتەرەكێ گرنگ بۆ پتر راكێشانا گەشتیاران بۆ سەرسنكێ».
گۆتژی: «مەلەڤانگەها ئولمپی و سینەما هاڤینێ ل ناوچەداریا سەرسنكێ دێ هێنە چێكرن، دەستوورییا ڤان پڕۆژەیان و چەندین پڕۆژەیێن دی ل دەڤەرا سەرسنكێ هاتیەدان».
