ل بارزان و ئاكرێ و بەردەڕەشێ 9 كەسان گیانێ خوە ژ دەست دا
رەمەزان زەكەریا:
ل بارزان و ئاكرێ و بەردەڕەش د چەندین روودانێن جودا یێن خەندقینێ و ترافیكێ دا، ل رۆژا پێنجشەمبی و ئەینی 21 و 22/8/2025 هەژمارەكا وەلاتیان گیانێ خوە ژ دەست دا.
رۆژا پێنجشەمبی دانێ سپێدی ل دەڤەرا بارزان، وەلاتیەكێ 10 سالی ب ناڤی قارەمان ئیزار كانیەلنجی دكەڤیتە بن زنجیرا شەفەرێ و گیانێ خوە ژ دەست دا، هەمان رۆژ، ل دانێ ئێڤاری ل بلێ وەلاتیەكێ 10 سالی ب ناڤێ دەرفەت رێبوار د زێیێ مەزن دا خەندقی و پشتی چەند دەمژمێران تەرمێ وی ژ لایێ نقوومڤانێن مێرگەسۆر ژ ئاڤێ هاتە دەرئێخستن، هەمان رۆژ و دانێ ئێڤاری ل سەر زێیێ مەزن ل بێخەمە وەلاتیەكێ 14 سالی یەحسا سەدیق دكەڤیتە د رووبارێ زێیێ مەزن دا و خەندقی، پشتی چەند دەمژمێران تەرمێ وی هاتە دیتن.
رۆژا ئەینی ل سەر رێكا سەرەكیا بەردەڕەشێ بۆ كەلەك روودانەكا ترافیكێ ژ جۆرێ لێكدان د ناڤبەرا ترۆمبیێلەكا ژ جۆرێ تایبەت و بارهەلگرەكێ روودا، د ئەنجام دا شەش ئەندامێن ئێك خێزان پشتی روودانێ د ناڤ ترۆمبێلێ دا مابوونە ئاسێ و هەموو سوتن و گیانێ خوە ژ دەست دا، كو پێك دهاتن ژ دایك و باب و زارۆكێن وان.
ل بارزان و ئاكرێ و بەردەڕەشێ د دەمێ 24 دەمژمێران دا ژ ئەگەرێ چەندین روودانێن جودا 9 كەسان گیانێ خوە ژ دەست دا.
