ئسرائیل ژ بۆ ئێرشەکا نوو چاڤەرێی بەرسڤا ئەمریکا یە
فەرماندارەکێ ئسرائیلێ بۆ ئاژانسا رویترز یا نووچەیان دیار کریە، هەم لەشکرێ ئسرائیلێ و هەم ژی دەزگەهێ هەوالگریێ وەسا دبینن ژ بەر شەڕێ ڤێ دووماهیێ زیانێن گەلەک مەزن گەهشتینە ئیرانێ و گەلەک ژێدەرێن چەکی یێن ئیرانێ ژی هاتینە ژناڤبرن، لێ ئیران بلەز کار بۆ بدەستڤەئینانا چەکێن نوو دکەت و ژ بەر ڤێ یەکێ ژی ئسرائیلێ دڤێت جارەکا دی ئێرشی ئیرانێ بکەت دا بشێت دربێن مەزن ل ئیرانێ بدەت.
هەمان فەرمانداری ئەو یەک ژی دیار کریە، ئسرائیلێ داخواز ژ ئەمریکا کریە رێ بدەت دا ئسرائیل دەست ب ئێرشەکا نوو بکەت، لێ هەتا نها ئەمریکا رازیبوونا خوە دیار نەکریە، هەکە ئەمریکا رازی بیت دێ ئسرائیل دەست ب ئێرشەکا نوو کەت و هەروەسا بەرپرسێن ئیرانێ ژی هەست ب ڤێ یەکێ کرینە و ژ بەر هندێ ژی هەر رۆژ بەرپرسێن ئیرانێ بەحسێ ئێرشەکا نوو یا ئسرائیلێ دکەن و دبێژن ئەو دێ ب توندی بەرسڤا ئسرائیلێ دەن.
