شاندێ ئیمرالیێ دێ سەرەدانا ئۆجەلانی کەت
بەرپرسەکێ دەم پارتی دیار کر، ڤێ حەفتیێ شاندێ ئیمرالیێ دێ سەرەدانا ئۆجەلانی کەت و بریارە سەبارەت ب کارێن کۆمسیۆنا ئاشتیێ یا ل پەرلەمانێ تورکیا و چاوانیا کارێن قووناغا ئاشتیێ ل گەل ئۆجەلانی دانوستاندنان بکەن.
هەمان بەرپرسی ئەو یەک ژی دیار کریه، حەفتیا بهێت دێ شاندەکێ دی یێ بەرفرەە کو ژ هەڤسەرۆکێن دەم پارتی و هندەک ئەندامێن سەرکردایەتیێ پێک دهێن دێ دیسان چنە ئیمرالیێ، چونکی ئۆجەلانی دڤێت لەز د کارێن کۆمسیۆنێ دا بهێتە کرن و ب کریاری ژی هندەک تشت بهێنە کرن، چونکی کورد ل چاوانیا کارێن قووناغا ئاشتیێ رازی نینن، ژ بەر کو هەتا نها ب کریاری چو نەهاتیە کرن و ئەو یەک ژی بوویە جهێ دلگرانیا کوردان.
بەری نها سەلاحەدین دەمیرتاش ژی دیار کربوو، هندەک ئاستەنگی ل هەمبەر قووناغا ئاشتیێ هەنە و دڤێت دەولەتا تورکیا وان ئاستەنگان نەهێلیت.
