پێدڤییە بەغدا قەرەبوویا قوربانییان بكەت
ل سالڤەگەڕا ئەنفالا بەهدینان، مەسرور بارزانی، سەرۆكێ حوكمەتا هەرێما كوردستانێ داخوازێ ژ حوكمەتا ئیراقێ دكەت، قەرەبوویا كەسوكارێن قوربانییان بكەت.
دوهی دوشەمبی 25/8/2025، مەسرور بارزانی، سەرۆكێ حوكمەتا هەرێما كوردستانێ، ل تۆرا جڤاكییا (ئێكس) پەیامەك ب هەلكەفتا سالڤەگەڕا 37 یا تاوانا ئەنفالا بەهدینان بەلاڤكر.
سەرۆكێ حوكمەتا هەرێمێ ب رێز بیرئینانا وێ تاوانا دڕەندانەیا رژێما بەرێ یا ئیراقێ كر و جارەكادی داخواز ژ حوكمەتا فیدرال كر، ئەركێ خوە یێ قانوونی و دەستوورید قەرەبووكرنا كەسوكارێن قوربانییان بجهبینیت.
د پەیاما خوە دا، مەسرور بارزانی سلاڤ بۆ گیانێ پاقژ یێ قوربانیێن جینۆسایدا ئەنفالێ و هەموو شەهیدێن كوردستانێ هنارتن و دووپاتكر» حوكمەتا هەرێما كوردستانێ دێ بەردەوام بیت د خزمەتكرنا كەسوكارێن شەهید و ئەنفالكرییان و بزاڤێن خوە بۆ ب جینۆساید نیاسینا ڤان تاوانان ل سەر ئاستێ نێڤدەولەتی.
