پەیوەندیێن ئوسترالیا و ئیرانێ ئالۆز دبن
وەزارەتا دەرڤە یا ئوسترالیا دوهی داخواز ژ ئەحمەد سادقی بالیۆزێ ئیرانێ و سێ بەرپرسێن دی یێن وی وەلاتی کر کو دڤێت د زووترین دەم دا ژ ئوسترالیا دەرکەڤن و هەروەسا ئوسترالیا بالیۆزخانا خوە ل تەهرانێ ژی داخست و بریار دا پەیوەندیێن خوە ل گەل ئیرانێ بدەتە راگرتن.
وەزارەتا دەرڤە یا ئوسترالیا ئەو یەک ژی دیار کریە، دەستێ ئیرانێ د کوشتنا ناڤەندا جوهیان ل وەلاتێ وان هەبوویە و ئیران هەردەم ئالۆزیان دروست دکەت و ژ بەر ڤێ یەکێ ژی وان دڤێت پەیوەندیێن خوە ل گەل دەستهەلاتا نها یا ئیرانێ بدەنە راگرتن.
ل ئالیێ دی ئیسماعیل بەقایی پەیڤدارێ وەزارەتا دەرڤە یا ئیرانێ ژی دیار کر، هەلوەستێ حوکمەتا ئوسترالیا گەلەک خرابە و دەرکرنا بالیۆزێ وان نیشا ددەت ئوسترالیا دڤێت پشتەڤانیێ ل سزایێن ئابووری یێن ل سەر ئیرانێ بکەت، هەکە ئوسترالیا کارەک وەسا بکەت ئیران ژی دێ یا پێدڤی ل دژی وی وەلاتی کەت.
