هەكە گوندێن كوردستانێ نەبان شۆڕەش بەردەوام نەدبـوو
سالار محەمەد دۆسكی:
4- 6
دەمێ تورك دهاتنە دەڤەرێ ئەو چیا هەمی دهاتنە گرتن و مە گەلەك هاریكاریا پەكەكێ در وەك كێشەكا نەتەوەیی و ئەم كورد و مە گۆت كێشا مە هەردوكان ئێكە بۆچوونا جەنابێ سەرۆكی ژی هەمی گاڤا كورد هەر كوردە ل هەر جهەكێ لێ بیت و مە هەڤال هەبوون ل ناف ئاخا توركیا بوومە ەرزاق و هەر پێدڤی یەك با دابین دكر و هندەك شەڤا دا ل ریباری دەربازبین و چینە ئاری و هەر ئێك ژ مە گینیەكێ ئاری یان هەر تشتەكێ هەبیت و دڤێت بچی و بهێی هێشتا چ جەدرما تو نەدیتی و مە كەلەك دروست كربوو چوپ بوون و مە تشت پێ ڤەدگوهاست جارەكێ ئەم ل سەر كەلەكێ بووین و تشت ل سەر بووین و ناف بەینەكێ ترۆمبێلەكا جدرما هات و ئێكسەر هەمی تشت دیتن و هاتنە هنداف مە وی دەمی قەدەغە بوو و گۆت ب چ رەنگا هوون نابەن و د.جەرگیس وی دەمی بەرپرسێ لق بوو و پەیوەندی ب سەركردایەتیێ كر و جەنابێ سەرۆكی گۆت خوە توش نەكەن چ بڤێت بدەنە ڤێ و مە هێزا وەلاتان نینە و ما دێ چەوا شەری ل گەل توركیا كەین نوكە دێ مە ژ ئەوێ دەڤەرێ هەمیێ ژی دەرئێخین و ئەو ئەرزاق مە داڤێ و ئێدی هەر ماوە ماوە دا ئەرزاقی ل پشتا خوە كەین و درەنگی شەف ڤەگوهێزین هێشتا جەدرمە نەهاتین و خوارنا مە صاڤارەك بوو و نیسك بوو (تەیار كێستەی) بەرپرسێ خوارنێ بوو و پشتی شەرێ ئیران و ئیراقێ دەست پێكری هاتنا خەلكی بۆ ناف پێشمەرگەی گەلەك زێدە بوو و ئەم وی دەمی گەنج بووین و تێربوونا مە نەبوو و گەلەك جاران مە بستیكێن كەزانا دخارن و یان دا چینە سەر ئاڤێ ماسیا گرین خوین ئانكو خوارن گەلەك یا كێم بوو.
رزگار كەمەكی زێدەتر بەحسێ زیندانیان كر و گۆت: مە كەسێن ب مەترسی زیندانكربوون و كەس بووینە دەست ل گەل ئەمنێ هەبووینە و خەلك دایە گرتن و ئەو كەسێن بڤی رەنگی مە دكرنە شكەفتان ڤە و دەرگەهەكێ بچویك ژی مە قفل كر و بەرەكێ مەزن ژی مە دانا بەر و هەمان دەم زێرەڤان ژی ل بەر بوو و بتنێ مافێ زیندانی چ بوو هوسا سەرەدەری گەل دهاتەكرن، هندەك زیندانی ژی هەبوون رەنگە پێشمەرگە بن شاشیەك كربیت گولەك هاڤێت بیت ل هەلكەفتەكێ یان تشتەك كربیت ئەو جودا بوون و گەلەك جاران مە بەردان و بریار دەستێ حزبێ دا بوو كیشكی ئازاد بكەین و چەوا سەردەری ل گەل بهێتەكرن.
هێشتا گۆت: ئەگەر هاریكاریا خەلكێ گوندان نەبا ئەم نەدشیاین شۆڕەشێ بكەین چونكە دەڤەرا ئاڤا بوو و خەلك ل سەر گوندان بوو، و ئەم هێدی هێدی هاتینە هێرەڤە و هەتا بارەگایێ مە هاتیە (زێوە شكان) چالاكیێن پێشمەرگەی بەرفرەه بوون و مەفرەزە بوونە لژنە و شەرێ پارتیزانی بەرفرەه بوو و لەقێن نوكە ل قەزا وی دەمی هەمی لژنە بوون و هەر لژنەكێ چەند رێكخراوێن خوە هەبوون و ئەوا ریكخراوا مەفرەزە هەبوون و هێدی هێدی بەرفرەه بوو و ئێدی داستانێن مەزن هاتنە تۆماركرن وەكی داستانا (كانی ماسێ و دێرەلوكێ) و گەلەك دەڤەر گەهشتە دەستێ مە و سالا 1987 ئیراق نەچار بوو دەڤەرەكا (موحەڕەم) ئانكو قەدەغەكری بناڤكر، و ئەم گەلەك زێدە بووین و فرۆكە دهاتنە دەڤەرێ توب باران دكر و قەدەغە بوو هاتن و چوونێ بكەن و دەمێ ئەم ل كوماتەی ئەم چووین مە كونفرانسێ قوتابی و لاوان ل ئیرانێ كر و ئەز ئەندامێ تەفیزی دەركەفتم و قوتابی و لاوان بارەگایێن خوە هەبوون و مە تیپێن وەرزشی و هونەری و ئاهەنگ مەدكرن وی دەمی مە دگۆتنێ (دهۆك – نەینەوا) وی ماوەی ئەز بەرپرسێ رێكخستنا وێ بووم و دووف دا كاك (دەلیل، تەیار و مەناف ) ئەو ژی هاتنە ل گەل مە دا و ئەم وەك تیمەكێ لێ هاتین و مە كارێ خوە كر و مە قوتابی و لاوان لژنە دروسكرن و مە رێكخستنێن نهێنی دروستكر و مە رێكخستن دناڤ دوژمنی دروستكر و هەتا رێكخستنا مە گەهشتە مویسل و بەغدا دناڤا قوتابیان دا هاتنە دروستكرن، بیرا من دهێت ئامادەیا برایەتی رێكخستنێن مە ژ هەمی دەڤەرا بهێز تربوو و دیسا قوتابخانا هەوكاری ژی ئامادەیا پیشەسازی و گەلەك قوتابخانێن دهۆكێ رێكخستن مە تێدا هەبووینە و مە رێكخستەنەكا پیلایی یا بهێز بۆ قوتابیان دروستكرن و مە نەهێلا كەسەك بهێتە ئاشكەراكرن هوسا ئەو رێكخستن هاتە دروستكرن هندی كەسەكی بگری و بینی و ب بەی ناهێتە ئاشكەراكرن و مە مفا ژ رێكخستنێن حزبی ئەوێن ئاشكەرا بووین وەرگرتن و گەلەك قارەمان هاتنە سێدارەدان و گەلەك هاتنە زیندانكرن و مە رێكخستنا قوتابیان ب رەنگەكێ دی دروستكر، دووماهی یا سالا 1987 ئەم ئەندامێن مەكتەبا تەفیزی هاتینە بەلاڤەكرن ل سەر لژنان و هاتمە راسپاردن ل سەر سەرپەرشتیكرنا قوتابی و لاوێن دهۆك و زاخو و ئەحمەد مەلا قاسم یا شێخان و ئاكرێ، هەر ئێك لژنەكێ و لەق ژی ما و ئحسان و تەیار و ئەحمەد و شەهید سمكو ئەندامێن مەتەبا تەنفیزی بوون و دەمەكی هاتمە دەستیردانێ مالا مە ل گوندێ سندورێ بوو هەڤالێن من ئەحمەد بادی و عەبدوللا بادی ئەز چووم من سەرا وان دا و گۆتن ئیلا دێ دەف مەی دێ هێن مە هشیاركەن و ئەڤە سالا 1985 ێ.
ناڤبری گۆت: ل سالا 1988ێ هاتمە لژنا دهۆكێ و هەمان دەم من سەرپەرشتیا قوتابی و لاوێن دهۆك و زاخو ژی كر 24- 25/8/1988ێ و پشتی ب دووماهی هاتنا شەرێ ئیراق و ئیرانێ كەرب و كوینا لەشكرێ ئیراقێ هاتە مە كو چەندین سالە پێشمەرگەی دەڤەر گرتینە و دەنگو بەلاڤ بوو كو لەشكرێ ئیراقێ هاتیە و دێ چالاكیێن مەزن كەت دژی پێشمەرگەی و هەر كەسەكێ بگریت ئێكسەر كوشتنە و چ چارەسەریێن دی نینن، رۆژكێ ئێڤار بوو ئەز كادر بووم لژنا ناوچا دهۆكێ و مە جهەك دروستكر بوو مە ڤولی بوول دكرو مە خو مژویل كر و قادر قاچاخ بەرپرسێ لژنێ بوو چوو بو ئیرانێ و فەریق فاروق بەرپرسێ رێكخستنێ بوو ئەو لژنێ بوو.
