سـعودیێ مـۆدێلـەکا زیرەکـیا چێکری ب زمـانێ عـەرەبی بەلاڤ کـر
سندس سالح:
سعودیێ مۆدێلەکێ نوو یێ زیرەکیا دەستکرد یا کارلێکی ب ناڤێ “هیومین چات” بەلاڤ کر کو ب زمانێ عەرەبی کار دکەت. ڤێ پێشڤەچوونێ، ل بواری گەشەپێدانا تەکنۆلۆژیێ دا، گاڤەکا گرنگ بۆ وەلاتێ سعودیێ ل ده‌ڤه‌رێ پێکئینایە.
کۆمپانیا “هیومین” هەموو کەسێن ل ناڤ وەلاتی دژین هاندان کو سیستەمی بکاربینن و تاقی بکەن. ئەڤ گاڤە ژی د چارچوڤێ پلانا وەلاتی دا یە دا کو پێشەنگی د بواری زیرەکیا دەستکرد دا ب دەست خۆ ڤە بینیت.
ئەڤ سیستەمە ب ڤێ چەندێ ژ یێن دی جودا دبیت کو ب زمانێ عەرەبی یێ بەرفرهـ پێشکێشی بکارهێنەران دبیت. دشێت بەرسڤا پرسیاران بدەت، هاریکاریا د نڤیسینا مەتنان دا بکەت، راڤەکرنا بابەتێن هەمەجۆر بکەت.
بکارئینانا زیرەکیا دەستکرد ب زمانێ عەرەبی گرنگیەکا مەزن هەیە ژ بۆ وان کەسێن کو د چارچۆڤێ ئەڤی زمانی دا كار دكه‌ن، چونکو پتریا سیستەمێن هەیين ب زمانێن رۆژئاڤایی، ب تایبەتی ئنگلیزی،.هاریکاریا زێدەکرنا ناڤەرۆکا عەرەبی ل سەر ئینتەرنێتی دکەت.
هەروەسا، بەلاڤکرنا ڤی مۆدێلی دبیتە ئەگەرێ هاندانا پێشکەفتنا بازرگانی و ئابووری ل سعودیێ و وەلاتێن دەوروبەر. دێ بیتە ئەگەرێ ئافراندنا دەلیڤێن کاری ل بواری تەکنۆلۆژی و گەشەپێدانا نڤیساران ب زمانێ عەرەبی.
بکارهێنانا زیرەکیا دەستکرد ل وەلاتان و ئافراندنا تەکنۆلۆژیێن سەردەم دبنە ئەگەرێ پێشکەفتنا ئابووری و کەلتووری. هەروەسا دێ هاریکاریا زێدەکرنا ئاستێ فێربوون و زانستی ل ناڤ جڤاکی دا کەت.
سعودیێ ل دووڤ پلانا “دیدگەها ٢٠٣٠” یا خوه، کار ل سەر بەرفرەهکرنا بیاڤێن وەبەرهێنانێ ل نه نەفتێ دکەت. ئێک ژ وان بیاڤان ژی تەکنۆلۆژیا پێشکەفتی و زیرەکیا دەستکردە. ئەڤ ژی پێنگاڤەکا گرنگە بۆ گەهشتنا وێ ئارمانجێ.
هەروەسا ئەڤ پێشکەفتنە ژی دێ بیتە ئەگەرێ هاندانا گەنجان بۆ خەباتکرن ل بواری زیرەکیا دەستکرد دا و ئافراندنا بەرنامەیێن دی یێن پێشکەفتی کو دێ هاریکاریا گەشەپێدانا ئابووریا وەلاتی کەن.
شارەزایێن واری تەکنۆلۆژی دبێژن کو ئەڤ گاڤە دێ بیتە ئه‌گه‌رێ هاندانا کۆمپانیێن دی ژی بۆ وەبەرهێنانێ ل ڤی بواری دا ل سعودیێ و وەلاتێن دەوروبەر. هەروەسا ئەڤ چەندە ژی دێ هاریکاریا پێشکەفتنا بواری تەکنۆلۆژیێ ل سەرانسەری ده‌ڤه‌رێ کەت.
ل دووڤ زانیاریێن هەین، کۆمپانیا “هیومین” بەردەوام کار ل سەر گەشەپێدان و باشترکرنا ڤی مۆدێلی دکەت دا کو پتر بەرسڤا پێدڤیێن بکارهێنەران بدەت. هەروەسا ئەو یە د پلانێن خۆ دا کو دەرفەتێ بدەنە بکارهێنەران بۆ پێشنیارکرنا باشترکرنا سیستەمی دا کو د گەل بکارهێنەرێن عەرەب باشتر بگونجیت.
