ئیرانێ د ناڤ مەهەکـێ دا ٢٠٠ کەس ل سێدارەیێ داینە
رێکخستنا مافێن مرۆڤی یا رۆژهەلاتێ کوردستانێ دیار کر، ل مەها هەشت ئیرانێ ٢٠٠ کەس ل سێدارە داینە کو رێژەیەکا بەرچاڤ ژ وان کوردن، ب تایبەتی ژی پشتی ئێرشا ئسرائیلێ یا ل سەر ئیرانێ رێژەیا سێدارەدانێ ل ئیرانێ گەلەک زێدە بوویە، لێ ژ بەر ئالۆزیێن نها ل جیهانێ و رۆژهەلاتا ناڤین کەس بەحسێ سێدارەدانێن ل ئیرانێ ناکەت و دەستهەلاتا ئیرانێ ژی رەوشا هەی بکار دئینیت و ژ بۆ ترساندنا خەلکی رۆژانە گرتیان ل سێدارە ددەت.
هەمان رێکخستنێ ئەو یەک ژی دیار کریە، نها رەوشا ئابووری یا ئیرانێ گەلەک خرابە، پشتی ئێرشا ئسرائیلێ و شەڕێ ١٢ رۆژان ترسەکا مەزن یا دەستهەلاتا ئیرانێ هەیە کو خەلک ل دژی دەستهەلاتێ خوەنیشادانان بکەن، ژ بەر ڤێ یەکێ ژی دەستهەلاتا نها یا ئیرانێ ژ بۆ ترساندنا خەلکی ل هەموو دەڤەرێن ئیرانێ گرتیان ل سێدارە ددەت و مخابن د ئاستێ نێڤدەولەتی دا ل هەمبەر کریارێن ئیرانێ چو هەلوەستەک جدی ژی نینە.
