پەڕلەمانتارەك: كۆمپانیێن نەفتێ ڤەگەڕیاینە ڤە پارێزگەها دهۆكێ
هەولێر، قائید میرۆ:
جێگرێ سەرۆكێ لیژنا نەفت و غازێ ل پەڕلەمانێ ئیراقێ ئاشكرا كر، پشتی هێرشێن درۆنی، كۆمپانیێن نەفتێ ڤەگەڕیاینە هەرێما كوردستانێ، ب تایبەتی ئەو كۆمپانیێن ل سنۆرێ پارێزگەها دهۆكێ و ئیدارا سەربخۆ یا زاخۆ كار دكر و دبێژیت: بەرهەمئینانا نەفتێ زێدەبوویە.
دكتۆر سەباح سوبحی، جێگرێ سەرۆكێ لیژنا نەفت و غازێ ل پەڕلەمانێ ئیراقێ بۆ رۆژناما ئەڤرۆ دیاركر، پشتی زنجیرەیەكا هێرشێن درۆنی بۆ سەر زەڤیێن نەفتێ ل هەرێما كوردستانێ، ئەو كۆمپانیێن دەست ژ كارێ خۆ بەردای، دوبارە ڤەگەڕیاینە هەرێما كوردستانێ، ب تایبەتی ئەو كۆمپانیێن ل زەڤیێن پارێزگەها دهۆكێ و ئیدارا سەربخۆیا زاخۆ كار دكر، نوكە بەردەوامیێ ددەنە كارێ خۆ.
دكتۆر سەباح سوبحی گۆت: «بەغدا مەرجەكێ دی بۆ هنارتنا نەفتا هەرێما كوردستانێ زێدەكریە و نها حوكمەتا بەغدا دبێژیت: دڤێت حوكمەتا هەرێمێ و كۆمپانیێن نەفتێ بگەهنە رێككەفتنێ و یا بەرهەڤ نینە پشكداریێ د دانوستانێن د ناڤبەرا كۆمپانیا و حوكمەتا هەرێما كوردستانێ دا بكەت».
