باژێرڤانیا دهۆكێ: 15 جادە ل تاخێ ئێتیتێ دهێنە چێكرن
دهۆك، لەزگین جۆقی:
سەرۆكاتیا باژێرڤانیا پارێزگەها دهۆكێ بۆ رۆژناما ئەڤرۆ دیار كر، دوهی 27/8/2025 تیمێن سەرۆكاتیا باژێرڤانیا دهۆكێ بەردەوامی دایە پڕۆژەیێ ڤەكرن و قێركرنا چەند جادەیێن ناڤخۆیی ل تاخێ ئێتیتێ.
سەرۆكاتیا باژێرڤانیا دهۆكێ خویا ژی كریە كو پڕۆژە 15 جادەیان ب خوەڤە دگریت ب رووبەرێ 36 هزار و 800 مەترێن چارگوشە، نوكە كار د قووناغا قێركرنێ دایە و رێژەیا ئەنجامدانا كاری نێزیكی 75% یە.
ئاشكرا ژی كریە، پڕۆژە ل سەر بودجەیا پارێزگەها دهۆكێ و ب سەرپەرشتیا ئەندازیارێن سەرۆكاتیا باژێرڤانیا دهۆكێ دهێتە بجهئینان.
