سه‌ره‌ده‌ريکرن ل گه‌ل زيره‌كيا چێكرى
سندس سالح:
پێشکەفتنا ب لەز یا زيره‌كيا چێكرى (AI) وەک چاتبووت و سیستەمێن زانیاریيان، ده‌رفه‌تێن نوو بۆ گەهشتن ب زانیارییان دابین دکەت. لێ، گرنگە کو فێر ببین چاوان ب شێوەیەکێ رەخنەیی سەرەدەریێ د گەل AI بکەین بۆ دەستڤەئینانا زانیارییێن هەرە دروست و باوەرپێکراو، خۆ ژ خاپاندنێ بپارێزین.
رێکارێن سەرەدەریێ ل گه‌ل زيره‌كيا چێكرى ب هوشيارى:
-1 پرسیارێن تایبەت و ڕوون بكه: بۆ دەستڤەئینانا به‌رسڤێن دروست، دڤێت پرسیارێن تە هوور و روون بن. پرسیارێن گشتی و نه‌يێن ئاشكه‌را دبیت ببنە ئەگەرێ به‌رسڤێن گشتی و کێم باوەرپێکرى. بزاڤێ بكە پرسیارێن خۆ ب کورتترین و ب جۆرێ هەرە روون بنڤیسی.
-2 به‌رسڤان ب چاڤه‌كێ ره‌خنه‌يى ببينه: زيره‌كيا دەستکرد ب پشتبەستن ب داتایێن مەزن کار دکەت کو ل سەر هاتینە فێرکرن. ئەگەر به‌رسڤه‌كا وه‌كو ئێك یان گوماندار دیت، وێ ئێكێ ب ساناهی قەبوول نەکە. دڤێت هه‌رده‌م به‌رسڤێن AI ب چاڤەکێ رەخنەیی ببینین.
-3 پشتراستکەفتنا زانیارییان ژ ژێدەرێن دی: هەر چەندە AI دشێت ژێدەران نیشان بدەت، لێ گرنگە کو ب خۆ زانیارییێن وەرگرتی ژ ژێدەرێن باوەرپێکرى یێن دی وەکو مالپەرێن ئەکادیمی، پرتووکێن زانستی، و داتابه‌یسێن فه‌رمی پشتراست بکه‌ی. هەروەسا، ژێدەرێن کو AI نیشان ددەت ژی بزاڤێ بکە کا راستەقینە و باوەرپێکرى نه يان نه.
-4 تێگەهشتن ل سەر سنوورداربوونێن AI: دڤێت بزانین کو AI يا گۆنجايى نینە، دبیت شاشی و تێکچوونێن خۆ هەبن. هەروەسا، زانیارییێن زيره‌كيا چێكرى دبیت د نوو نەبن یان ژی ل سەر بنەمایێ داتایێن تشتەکێ دی هاتبنە فێرکرن. وەرگرتنا زانیارییێن هەستیار یان یێن پێدڤی ب بڕیارێن مرۆڤی هەنە، دڤێت ب هوشیاری و شيره‌ت وه‌رگرتن ژ شارەزایان ڤە بهێتە کرن.
-5 سەرکێشی د دانوستاندنێ دا: هه‌كه به‌رسڤه‌كا ته‌مام نه‌بوو، پرسیارێن پەیڕەوی بکە بۆ رووهنکرن و پشتراستکرنێ. شێوازێدانوستاندنێ ل گەل AI دشێت هاریکاریا تە بکەت بۆ گەهشتن ب به‌رسڤێن باشتر و رووهنتر.
