یۆتیۆبی خزمه‌تگوزاریه‌كا گه‌له‌ك گرنگ راگه‌هاند
ئه‌ڤرۆ، سندس سالح:
یوتیوب دێ زیره‌كیا چێكری بکارئینیت بۆ هاریکاریکرنا چێكه‌رێن ناڤه‌ڕۆکێ کو شه‌ڕێ سه‌خته‌كرنا كوور (deepfake) بکه‌ن ئه‌وێن وێنه و ده‌نگێن وان بکار دئینن د ڤیدیۆیێن کو وان ره‌زامه‌ندی ل سه‌ر نه‌دایه.
ئامرازا نوو هاریکاریێ دکه‌ت بۆ چاڤدێریکرنا چاوانیا ده‌رکه‌فتنا وێنه‌یێ چێكه‌رێ ناڤه‌ڕۆکێ، چ ئه‌و هاتبیته چێکرن یان ده‌ستکاری کرن ب رێیا زیره‌كیا چێكری، بۆ هاریکاریکرنا پاراستنا ناسنامه‌یا وی، ب تایبه‌تی د وان ڤیدیۆیان دا ئه‌وێن دهێنه چاره‌سه‌رکرن بۆ به‌رده‌وامیدان ب بۆچوونه‌کا کو ئه‌و تێدا به‌شدار نینه.
ئه‌ڤ سیسته‌مه هاریکاریێ دکه‌ت بۆ ئاشکه‌راکرنا وێ چه‌ندێ کا ئه‌وێن دی وێنه‌یێ روویێ چێكه‌رێ ناڤه‌ڕۆکێ بکار دئینن د ڤیدیۆیێن خوه دا بێی ره‌زامه‌ندی، بێ گومان مفای ژێ وه‌ردگرن بۆ قازانجکرنێ، ل سه‌ر بنه‌مایێ وه‌كهه‌ڤیێ ل سه‌ر یوتیوبی. بۆ بجهئینانا ڤێ چه‌ندێ، سیسته‌م ره‌زامه‌ندییا چێكه‌رێ ناڤه‌ڕۆکێ دڤێت بۆ پشتراستکرنا ناسنامه‌یا وی ب رێیا ته‌کنه‌لۆژییا نیاسینا رووی.
پێدڤیه چێكه‌رێ ناڤه‌ڕۆکێ ب خوه گه‌ڕیانه‌کێ بۆ لێکچوونیێ بکه‌ت ژ په‌ڕێ “ئاشكه‌را ناڤه‌ڕۆکێ” ل ستودیۆیا یوتیوبی. پاشی دێ رێزه‌کا ڤیدیۆیان هێته دیارکرن کو زیره‌كیا چێكری یا پلاتفۆرمێ لێکچوونیێ د گه‌ل روویێ چێكه‌رێ ناڤه‌ڕۆکێ دکه‌ت، ئه‌ڤه ژی بۆ چاڤدێریێ.
ئه‌گه‌ر ته دیت، پشتی چاڤدێریکرنا ڤیدیۆیان، کو ئه‌و وێنه‌یێ ته بێی ره‌زامه‌ندییا ته بکار دئینن، یان ژی ده‌ستکاریێ تێدا دکه‌ن، دشێی ده‌ست ب پرۆسه‌یا پێشکێشکرنا گازنده‌یه‌کێ بکه‌ی، ئه‌وا کو دزییا ده‌نگی ژی ڤه‌دگریت.
ئه‌ڤ ئامرازه نها ب شێوه‌یه‌کێ تاقیگه‌هی به‌رده‌سته بۆ کۆمه‌له‌کا دیارکری ژ چێكه‌رێن ناڤه‌ڕۆکێ ئه‌وێن به‌شدارن د پرۆگرامی هه‌ڤپشكێن یوتیوبی دا. ئارمانج ئه‌وه کو ل سه‌رێ سالا 2026ێ به‌رده‌ست بیت بۆ هه‌موو چێكه‌رێن ناڤه‌ڕۆکێ ئه‌وێن داهاتی ژ ڤیدیۆیێن خوه وه‌ردگرن.
