بۆچی 275 و بەس
فازل عومهر
ئەز دا بێژم، ھەمی بەربژارێن كوردپەروەر و كوردستانی ھێژانە و ھەژی دەنگێن مەنە، ھەكەر ھەلبژارتن تاكەكەسیبانە و كەسێن بەربژار گرێدایی بنەمانێن كوردستانی و كوردی بانە، لێ وەختێ بەربژار (نێزیكی ڕەھاییێ) بەربژارێن پارتێن سیاسی بن و گرێدایی سیاسەت و بۆچۆنێن پارتێن سیاسی بن و ئەوێن تاكەكەس ژی، گەر ببنە بژارە ژی، نەشێن خودان باندۆر و ھنگار بن ل ئەنجومەنا نوونەرێن ئیراقا فیدەرال كو ھەمی ئەندام لسەر بنەمانێن نەتەوەیی و ئایینی ڕێز بووینە… ھینگێ ئەز لیڤە بم و بێژم:
پێدڤیە ئەم دەنگێ خوە بدەینە، لیستا بەربژارێن وێ و بەرنامەیێ وێ، قەدرێ تایبەتمەندی و مێژوو و بەرژەوەندیێن خەلكێ كوردستانێ بگرت و بپارێزت.
پێدڤیە ئەم دەنگێ خوە بدەینە، بەربژارێن لیستا ئێش و ئازارێن خەلكێ كوردستانێ و خوونا شەھیدان و ڕەنجا پێشمەرگەی ژ بیر نەكەن و پەرچەمێ وان؛ كوردستان بەری ھەرتشتی، بت.
پێدڤیە ئەم دەنگێ خوە بدەینە، لیستا كێم دئاخڤن، لێ گەلەك كار دكەن. لیستا ببێژن: مە ئاڤەدانی كر، نە دێ كەین.
پێدڤیە ئەم دەنگێ خوە بدەینە، بەربژارێن لیستا ئارامیا كوردستانێ پاراستی و ل كوردستان ژ داگیركرنا ئەبەدی پاراستی، لیستا شەڕێن سحێلا و پردێ.
پێدڤیە ئەم دەنگێ خوە بدەینە، بەربژارێن پارتی، چونكی ھەلگرێن پەیاما سەرۆك بارزانینە؛ پارتی بھێز بت، كوردستان بھێزە، چونكی پارتی ژ ناڤ ئێش و ئازار و دەردەسەریێن خەلكێ كوردستانێ پەیدابوویە و ئارمانجا وێ ڕزگاریا كوردستانێیە و ئازادیا خەلكێ كوردستانێ. و تاكو نەگەھتە ئارمانجێ، درووشمێ ئەبەدیێ پارتی دێ مینت؛ یان كوردستان یان نەمان، و ئەڤ درووشمە د دلێ ھەر پارتیەكی دا نەخشاندیە.
لەو، دەنگدان بۆ لیستا 275 و بەربژارێن وێ، دەگدانە بۆ كوردستانێ و پاشەرۆژێ؛ دەنگدانە بۆ ئەوێن وەلاتی و ئارامیێ و سەرفەرازیێ و پێشكەفتنێ دپارێزن.
