رێیا چێكرنا ته‌خمێن ددانان هاتیه گوهارتن
تایبه‌تمه‌نده‌كێ نه‌خۆشیێن ده‌ڤ و ددانان ل پارێزگه‌ها دهۆكێ دیاركر:” رێیا چێكرنا ته‌خمێن ددانان یا هاتیه گوهارتن نوكه خه‌لك ته‌خمێن ددانان چیناكه‌ن”.
د. میرزا مراد، تایبه‌تمه‌ندێ نه‌خۆشیێن ده‌ڤ و ددانان ل پارێزگه‌ها دهۆكێ دیاركر:” زانستێ ددانان گه‌له‌ك گوهۆرین كه‌ڤتیه تێدا ل هه‌رێما كوردستانێ ژى زانستى ددانان گه‌له‌ك پێشكه‌ڤتیه نوكه نۆشدار زانستێ نوى بۆ ددانانان ب كاردئینن بۆ نموونه به‌رى نوكه گه‌له‌ك نه‌خۆشان ته‌خمێن ددانانان بۆ خوه چێدكرن ب تایبه‌تى ژى ئه‌و نه‌خۆشیێن ژ چاره‌سه‌ریا ددانێن خوه بێ ئومێد دبوون چو چاره‌سه‌رى ل ددانێن وان نه‌دهاته‌كرن ژ نه‌چارى ته‌خمێن ددانان بۆ خوه چێدكرن”.
ئاماژه دا وێ چه‌ندێ ژى كو:” نوكه رێیا چێكرنا ته‌خمێن ددانان یا هاتیه گۆهارتن نوكه ئه‌م ددانى نائیننه ده‌ر، به‌لكو دوباره ره‌هێن ددانان دهێنه پڕكرن وچێكرن ل شوونا دانانا ته‌خمێن ددانانان نوكه جسره‌كێ خوه جه دهێته دانان، گه‌له‌ك ته‌خمێن ددانان باشتر بۆ نه‌خۆشى، چونكو یێ خوه جه نه‌خۆش ژ ده‌ڤێ خوه نائینته ده‌ر هه‌تا بۆ خوارنێ ژى گه‌له‌ك باشه چو كارتێكرنێ ل سه‌ر نه‌خۆشى ناكه‌ت”.
ئاشكه‌را كركو:” ئه‌و نه‌خۆشێ ددانێن خوه ئینابنه ده‌رژى یان هه‌كه ددانێن نه‌خۆشى گه‌له‌ك كێم مابن ئه‌م ل سه‌ر ددانێن وێ هنده‌ك دچینن وجسر دهێته دانان دبنه ددانێن خۆجه د ده‌ڤێ نه‌خۆشى دا گه‌له‌ك باشتره بۆ نه‌خۆشى، چونكو نه‌خۆش پێدڤى ته‌خمێن ددانان نابیت “.
د. میرزا موراد ، گۆتژى:” به‌رى نوكه هنده‌ك كه‌س ل كولانان دگه‌ریان بۆ چێكرنا ددانان ئامیرێن وان گه‌له‌ك د پیسبوون نه‌دهاتنه تافیلكرن نوكه ژى ئه‌ڤ چه‌نده ماینه و گۆت: هیڤدارین خه‌لكێ مه خوه ژێ ب پارێزن، چونكو نوكه نه‌خۆشخانه و نۆشدار و ئامیرێن پێشكه‌فتى یێن ددانان هه‌نه ب رێیێن زانستى كار دكه‌ن، ژبه‌ركو ئه‌و ئامیرێن دان پێ دهێنه چێكرن به‌رده‌وام پێدڤى ب تافیلكرن و پاقژكرنێ هه‌نه ئه‌ڤ كاره ژلایێ نۆشداران ڤه دهێته ئه‌نجامدان له‌ورا باشتره خه‌لك ددانێن خوه د ده‌ستێ وان كه‌سان نه‌كه‌ن یێن كولانان دگه‌ریێن ددانان چێدكه‌ن.
