ل سەرهلدانا باژێڕێ ئاكرێ، پێشمەرگە هەلگرێن پەیامـا ئاشتیێ بوون
سالار محەمەد دۆسكی:
3-7
بەختێ بارزانی مە نەكوژن و مە گۆتێ بەختێ بارزانی سەر سەرێ مە و كەرەم بكەن هوون هەرنە مالێن خوە و مە چ پەیوەندی ل گەل هەوە نینە و ئەم ل سەر رێبازا بارزانی نە و رێبازا وی چ فەرمان دایە دێ وێ كەین و كەسەكێ نا كوژین و زولمێ ل كەسەكێ ناكەین و بتنێ مە دڤێت دارێ زولم و زورداریێ ل سەر ملەتێ كورد نەمینت و راببیت چونكە ئەڤی مللەتی گەلەك زولم و زورداری یا بەعسیان دیتی یە و دڤێـت ب ئێكجاری دەڤەر بهێتە پاقژكرن و ل دەسپێكێ مە ژ قشلا ئاكرێ دەست پێكر و ەك پێشتر مە ئاماژە پێكری چەوا ئەم چووین و چەوا هاتە ئازادكرن و دووڤ دا چووینە فەرمانگەها ئەمنا ئاكرێ و پشتی ئەو ژی ژ رەشەك و بەعسیان هاتیە پاقژكرن و ئازادكرن ئەم هاتینە فەرمانگەها ئستخباراتێ ل ئاكرێ و ئەو ژی ب هەمان شێوە هاتە پاقژكرن و دكتور سەباح خەندان ئاكرەیی بەرپرسێ گشتیێ ئازادكرنا باژێرێ ئاكرێ و بەرپرسێ مە هەمیان بوو و خەلكێ ئاكرێ ب هەمی هوز و پێكهاتە ڤە ئەڤێ راستیێ زانن و ناهێتە ڤەشارتن وێ رۆژێ خەلكێ ئاكرێ خۆشی و تامەكا تایبەت دیت و هەتا سەرۆچاڤێن خەلكی گەش بووین ژ كەیف و خۆشی و تاما ئازادیێ دا و ئارمانجا مە هەمیان ئەو بوو بتنێ ئەف ملەتە ژبن دارێ زولم و زورداریا حوكمەتا بەعس بهێتە دەرێ و ل سەر فەرمانا بارزانیێ نەمر ئەم دەستا ژ ئەڤی كاری بەرنادەین هەتا ئەڤێ زولم و زورداریێ نەهێلین، برایێ من بەدرخان ل گەل پێنچ برا و چەندین برازا و پسمام و خارزا و هەمی ب چەك ڤە ڤێ رۆژێ وەك عەگیدان ل بەر سینگێ دوژمنی راوستیان و دەست نەداهێلان و خەلكێ دەڤەرێ ل سەر قارەمانی و مێرخاسیا بەدرخانی شاهدن كا چەوا هەمی ڤیان و عەشقا وی ئازادكرنا باژێرێ ئاكرێ بوو ژ رژێما بەعسا هەرفتی و سوپاس بۆ خودێ د ئەوێ هێرشێ دا ل سەر بارەگایێن بەعسیان ل ئاكرێ، ئاکرێ هاتە ئازادكرن و دلوپەكا خوینێ ژ تبلا پێشمەرگەیەکی نەهات و هەر مە چ شەهید نەدان و دەمێ فەرمان ژ جەنابێ سەرۆكی هاتی و ل دووڤ فەرمانا وی بەردخانی گۆت هشیاری خوە بن و كەسەكێ ژ قەستا نە كوژن ئیلا كەسەك هەبیت شەری ل گەل هەوە بكەت و خوە رادەستی هەوە نەكەت هوون ب كوژن بەلكو ب فەرمانا جەنابێ سەرۆكی كەسەكێ نەكوژن و بتنێ پەیاما مە ئاشتی و ئازادی یا مللەتێ مە بوویە و مە زولم و ستەم و زورداری ل سەر مللەتێ خوە نەڤێت و دیسا بەردخانی ئەم شیرەت كرین گۆت ئەم هاتینە ئالایێ ئیراقێ ئەڤێ بتنێ زولم و ستەم ل مللەتێ مەكری وی ئالایی راكەین و ئەم ئالایێ ئاشتی و ئازادیێ ل جهێ وی بدانین و پشتی بورینا چەند رۆژان ژ ئازادكرنا باژێرێ ئاكرێ و ل دووڤ فەرمانا دكتور سەباح ئاكرەیی گۆت ئەم هاتینە راسپاردن کو دێ هێرشی بەعشیقە كەین و پشتی ئەم چووینە دەڤەرێ رەوشا دەڤەرێ نە وەك ئاكرێ بوو توپ دهاتن و هەمان دەم مەژی هێرشی دەڤەرێ كر و ئەو جهێ توپ ژێ دهاتن مە ژی هێرش كر و گەلەك ژدوژمنی هاتنە گرتن و كوشتن و هەمان دەم مە ژی بریندار دان ژێ پێشمەرگەی و ئەم بەردەوام بووین ل سەر هێرشێن خوە هەتا گوندێ دوبەردان كەفتیە دەستێ مە وێڤەتر د دەستێ حوكمەتا بەعس دا بوو 15/3/1991 بوو ئەم چووینە بەعشیقە و ئەڤێ دەڤەرێ ب گشتی و دووڤ دا ب فەرمانا فەرماندێن خوە ل دەڤەرێ هایتنە ئاگەهداركرن كو رۆژا دووڤ دا دێ چینە رێكا دهۆكێ ڤەكەین و رۆژا پاشتر مە هەمی بەرهەڤی كرن و ئەم بەرەف باژێرێ دهۆكێ ب رێكەفتین ب وێ مەرەمێ كو رێكا هاتن و چوونێ بهێتە ڤەكرن و ئەم گەهشتینە (مەهەتێ) و بەری بگەهینە مەهتێ ب دورستی ل لایێ جادێ وەكی گرەكی بوو و كەلهەكا بەعسیان تێدا بوو مە دیت لەشكر هێشتا دوێ كەلهێ دایە و هاتن و چوونێ دكەت و ئەم نێزیكی هێزێن لەشكری بووین و نافبەرا مە هەر دوكان چ تشتێ هوسا نەمابوو وی دەمی شەهید (شیمال) و ئەبو (زێد) نوكە ل ئاسایشا گشتی دەوامێ دكەت و ئەو چەند پێشمەرگە ل گەل خوە برن ب وێ مەرەمێ بچن دەردوری بگرن و ژ نشكەكێ ڤە ئەو هێزا پێشمەرگەی كەفتنە دەستێ ئەوێ هێزا لەشكری یا بەعسیان و دەمێ ئەم هاتینە ئاگەهداركرن كو هەڤالێن مە كەفتنە دەستێ هێزا لەشكری یا بەعسیان، دكتور سەباحی فەرمان دا و گۆت ئەم نەشێین بەرامبەر ئەڤێ هێزێ ب راوستین وەك چەك ژ مە بهێزترن وەك لەشكر ژی ژ مە زوورتر بوون و پێدڤی یە ئەم لێ بزڤرین و ئەم گەهشتینە دەڤەرا (مرێبا) و هاتینە دەڤەرا (خنس) و پاشان هاتینە (شێخان) و كەسەك ل گەل مە بوو بناڤێ(محەمەد) شارەزایێ رێكێ بوو و دیسا ئێكی دگۆتێ (حەجی حسێن) یێ قەسروكێ بوو و نێزیكی دكتور سەباحی بوو و گەلەك خوش مرۆڤ بوو و چەند پێشمەرگێ دی ژی ل گەل دا بوون و ئەم چووینە هنداڤ ئەوێ هێزا لەشكری و كونترۆلا مە وەك جهـ گەلەك باشتر بوو و مە هێرش كرێ و دەمێ ئەوا دیتی مە كونترول پتر ل سەر هەیە و جهێ مە یێ باشە و ئێكسەر ئەوێ هێزا لەشكری یا بەعسیان كەسەك هنارتە دەف مە وەك قاسد و گۆتن .
