بەری ژیێ 18 سالیێ کچ و کوڕ لێک ناهێنە مەهر کرن
بێوار حەمدی:
پارێزەرەکی بۆ ڕۆژنامەیا ئەڤرۆ دیار کر، ئەگەر ژیێ کچێ یان کوری یێ گۆنجایی نەبیت ب هیچ ڕەنگەکی دادگەھ ڕێکێ پێ نادەت هەڤژینیێ پێک بینن و گۆت: بەلێ ئەگەر تەمەنێ ئێک ژوان گەلەک ژیێ دی مەزنتر بیت ل وی دەمی چ ئاریشە نینە و دهێنە مەهر کرن.
پارێزەر نەوزاد موستەفا دیار کر، نوکە ژلایێ یاسایێ ڤە هەتا کچ و کۆڕ لێک بهێنە مەهر کرن پێدڤییە ژیێ 18 سالیێ تەمام کربیت و گۆت؛ ئەگەر ژیێ کچێ یان کوڕی ژبۆ هەڤژینیێ یێ گۆنجایی نەبیت ب هیچ رەنگەکی دادگەھ ڕێکێ ب هەڤژینیا وان نادەت.
پارێزەری د بەردەوامیا ئاخفتنا خودا گۆت؛ ئەگەر ژیێ کچێ د بن هەژدە سالیێ دا بیت و وێ کچینیا خوە ژ دەست دابیت ژلایێ کوریڤە ل وی دەمی کور دێ هێتە سزادان نەکێمتر ژ 10سالان هەتا هەکە ب ڕەزامەندیا کچێ ژی بیت، چونکو هێشتا نەگەهشتیە ژیێ هەژدە سالیێ و گۆت؛ لێ ئەگەر وێ کچێ ژیێ گۆنجایی تەمام کربیت ل وی دەمی بتنێ دێ لێک هێنە مەهر کرن.
پارێزەری دیار کر ژی ئەگەر ژیێ کوڕی گەلەک ژ ژیێ کچێ مەزنتر بیت یان ژی بەرۆڤاژی، هینگێ ژلایێ یاسایێ ڤە چ ئاریشە نینە، بتنێ دڤێت ب ڕازیبونا هەردوو لایان بیت و گۆت؛ ئەگەر کچ و کوڕ ژ دەرڤەی دادگەهێ هاتنە مەهر کرن ژلایێ شێخەکی یان مەلایەکی ڤە و دبن ژیێ هەژدە سالیێ دا بن ل وی دەمی دێ تووشی سزایێن یاسایی بن ب زیندانکرنێ یان ژی غرامەکرنێ.
