باژێڕڤانیا ئاكرێ هەژمارەكا پڕۆژەیان ئەنجام ددەت
رەمەزان زەكەریا:
ل سەر پێشینەیا مەهانە یا سەرۆكاتیا باژێرڤانیا ئاكرێ و ب مەرەما پتر خزمەتكرنا باژێری، تیمێن تەكنیكی و هونەری یێن باژێرڤانیێ دەست ب ئەنجامدانا زنجیرەكا كار و خزمەتگوزاریان ل سنۆرێ باژێری كریە.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «ئەڤ كارە بێ جوداهی تاخێن نوو و كەڤنار یێن ئاكرێ بخۆڤە دگریت و د بیاڤێن سەخبێریكرن و پاراستنا رێك و جادەیان، چێكرنا ئاڤڕێژان، ئاڤاكرنا دیوارێن پالپشت دانە، دیسا پرۆسەیا دانانا تەسێن پلاستیكی ژی بەردەوامە».
ناڤبری گۆتژی: «ئەڤ كارە پشكەكا بەردەوامە ژ پلانا وان یا مەهانە بۆ پاراستنا سیمایێ باژێری و ئاسانكاری بۆ هاتنوچوونا وەلاتیان».
