ب هیڤیمە دەستكەڤتیان بۆ کوڕان ژی بینم
د دیدارەكێ دا ڕاهێنەرێ تیما فوتسالا یانەیا پیرس ل سەر ئاستێ كوڕان دیار كر بۆ جارا ئێكێ یە ل سەر ئاستێ پارێزگەها دهۆكێ یانەیەك پشكداریێ د قارەمانییا ئیراقێ یا یارییا فوتسالا كوڕان دا بكەت و بەرهەڤیێن مە ل دووڤ پلانەكا دارێشت دانایە، ئەوا بڕیارە هەڤڕكیێن وێ ل حەفتیێ ل باژێرێ سلێمانیێ بهێتە كرن.
زێدەتر ئاراز سالح گۆت: پێنگاڤا پشكداریێ هات ل سەر خواستنا بەردەواما یا یاریزانێن ڤێ یاریێ كو حەزەكا مەزن هەبوویە پشكداریێ بكەین، ب سۆپاسی ڤە كارگێرییا یانەیا پیرس هەر ئێكسەر بەرهەڤییا خوە دیاركر كو پشتەڤانییا مە بكەن، ب هیڤی مە وەكو ڕاهێنەر ل سەر ئاستێ كچان شیایمە ناسناڤێن كوردستانێ وئیراقی بینم دگەل كوڕان ژی ڤێ ناسناڤی بینم.
هەروەسان ناڤهاتی گۆت: د نوكە دا بزاڤێن دهێنە كرن هەڤڕكیێن ڤاڤارتنان ژ باژێرێ سلێمانیێ بهێتە دهۆكێ و ئەڤ پێنگاڤە دێ بیتە باشترین دەلیڤە كو ئەم مفایی ژێ وەربگرین و بگەهینە ئارمانجا خوە و دەستكەڤتەكی بۆ پارێزگەهێ بینن و دەربازبنە نایابا ئیراقێ.
دهێتە چاڤەڕێ كرن ل ناڤەڕاستا ڤێ مەهێ دەست ب هەڤڕكیێن ڤاڤارتنان بۆ خولا فوتسالا ئیراقێ ل سەر ئاستێ كوڕان ل باژێرێ سلێمان بهێنە كرن ئەوا 10 یانەیێن كوردستانێ و باكۆرێ ئیراقێ پشكدارن و هاتینە بەلاڤكرن ل سەر دو كۆمان، خودانێن ڕێزێن ئێكێ و دویێ یێن هەر كۆمەكێ دێ دەربازبتە قووناغا چارگۆشەیا زێرین، یاریێن كۆما دێ بشێوەیێ هاتنۆچوون دو قووناغ بن.
