داخوازا ئازادکرنا کەسوکارێن خوە دکەن
ل باژێرێ قامشلۆ یێ رۆژئاڤایێ کوردستانێ ب سەدان وەلاتیێن کورد دەست ب خوەنیشادانێ کرن و داخواز ژ بەرپرسێن شامێ کرن کەسوکارێن وان یێن کو بەری نها هاتینە دەستەسەرکرن ئازاد بکەن، چونکی نها چو شەڕ ل سووریێ نەماینە و هەروەسا رێککەفتن ژی د ناڤبەرا هەسەدێ و شامێ دا هاتیە کرن و بەری نها ژی بەرپرسێن شامێ سۆز دابوون دێ هەموو گرتیان ئازاد کەن، لێ مخابن هەتا نها ژی گەلەک کەس د زیندانێن سووریێ دانە و دڤێت د زووترین دەم دا بهێنە ئازاد کرن.
خوەنیشادەران ئەو یەک ژی دیار کرن، بەرپرسێن سووریێ دیار دکەن کو کورد وەلاتیێن رەسەن یێن سووریێ نە، وی دەمی دڤێت رێز ل کوردان بهێتە گرتن، دڤێت کەسوکارێن مە بهێنە ئازاد کرن، هەرچەندە هەتا نها هندەک ژ گرتیان هاتینە ئازاد کرن لێ هەتا نها ژی ب سەدان کەس د زیندانێن سووریێ دانە و دڤێت ئێدی بەرپرسێن شامێ هەموو گرتیێن کورد ئازاد بکەن.
