رێبەرێ ئیرانـێ د کـۆمایێ دایە
کۆڤارا تایمز یا بریتانی د راپۆرتەکێ دا دیار کریە کو د ئەنجاما ئێرشا ئەمریکا و ئسرائیلێ دا رێبەرێ نوو یێ ئیرانێ موجتەبا خامنەیێ یێ بریندارە و ل باژێرێ قوم یێ ئیرانێ د نەخوەشخانێ دایە و نەشێت ئیرانێ برێڤە ببەت، چونکی رەوشا وی گەلەک خرابە و د کۆمایێ دایە و ئاگەهـ ژ رەوشا ئیرانێ نینە.
هەمان کۆڤارێ ئەو یەک ژی دیار کریە کو د رەوشا نها دا سوپایێ پاسداران ب ناڤێ وی هندەک داخویانیان ددەت و د راستی دا رێبەرێ نوو یێ ئیرانێ ل ژێر چاڤدێریا توند دایە و رێ ناهێتە دان هەتا بەرپرسێن دەولەتێ ژی سەرەدانا وی بکەن.
ل گۆر کۆڤارا تایمز یا بریتانی سیخۆرێن ئسرائیلێ زانیاریێن تەمام ل دۆر رەوشا وی بدەستڤە ئیناینە و د رەوشا نها دا ئەمریکا و ئسرائیل ناخوازن ئێرشی وی جهی بکەن یێ رێبەرێ ئیرانێ لێ دهێتە دەرمانکرن و هێزێن ئیرانێ ژی ب توندی چاڤدێریا جهێ مانا وی دکەن.
