بلا دەنگێ دهـۆلێن شـەڕی ژ هـەرێما كـوردستانـێ دویربكەڤن
خالد ئەحمەد بادی
پشكا دویێ
ئەڤە ژی ئاماژەیێن كەشەفڕێتن كو جەنگ و شەڕ نێزیكتری كوردستانێ هاتینە, لدویڤ وان دەنگوباس و نووچەیان یێن رۆژانە مە گوه لێ دبیت؛ هەڤڕكیەكا ب هێز یا ل ناڤبەرا وەلاتێن رۆژئاڤایی و ئەمریكا و هەر وەسا وەلاتێن هەرێمی یێن كوردستانێ، كو هەر هەڤڕكەكی دڤێت خۆ بگەهینتە ئارمانجا دەستنیشان كری كو خێر و بێر و سامان و سەروەتا پربهایا كوردستانێ یە و ب تنێ دێ هەر بۆ كوردان بیت، چونكو كورد خۆدانێن ڤی ئەردینە و ناڤێ وەلاتێ كوردان كوردستانە و دێ هەر ناڤێ كورد و كوردستانێ مینیت, كوردستان دەڤەرەكا ناهێتە وەسف و پەسنكرن ژ هەمی ئالیان ڤە ئالیێ ئابووری، جوگرافی، سیاسی، ئاڤ و سەقا و..هتد. ڤە كو جار ئیران و جاران ژی ئیراق جاران ژی تیرۆر و پرسێن ئەمنی و ب دەهان بهانەیان دگرن كو ب تنێ بگەهنە كوردستانێ, د ڤێ قووناغا هەستیار دا؛ زۆر سیناریۆ بۆ بۆیەرێن سووریا و رۆژهەلاتا كوردستانێ هەنە و دهێنەدانان ب دەستێ سینارستێن سیاسی و ئابووری، ئەمنی ڤە یاكو ل رۆژئاڤایێ كوردستانێ هاتیە رویدان كوشتن گرتن بێ بەهركرن زێندان و دەركرنا كوردان ل سەر خاكێ پیرۆزێ كوردستانێ ژ ئالیێ شۆفینیان و ئالاهەلگرێن پاشمایێن تیرۆرستان ڤە زۆر یا كەشەفرێت و ئەنیكەیە كو یێ د لیستا تیرۆرستان و ژ داخوازكرییان نوكە ببیتە دهۆلقوتێ شەڕی و ببیتە جەلادێ كوردان و ببیتە تاوانبار ب بڕینا كەزیێن نامووس و شەڕەف و كەرامەتا كوردان ل رۆژئاڤایێ كوردستانێ كو ب درێژاهییا دیرۆكێ كوردان ب تنێ نامووس و شەڕەفا خۆ پاراستی یە وچ جاران كورد شەڕخواز نەبوون؛ لێ شەڕ ب سەر دا دهاتن, لەوما دبێژین ئەڤە دەنگێ دهۆلێن شەڕێ بوونە راستی و ئەمریكا و ئیسرائیل شەڕ و جەنگ ل دژی ئیرانێ دەست پێ كر و وەكو ئەم دزانین كو ل (27-28,2, 2026) جەنگ و شەڕ ل ناڤبەرا ئەمریكا و ئیسرائیلێ پەیدا بوو و هەردو وەلاتان هێرشكرنە سەر ئیرانێ هێرشێن مەزن و بەرفرەه ب هەمی ب مۆشەك و درۆن و تۆپ و فرۆكەیان كو شەڕێ چەكێ گران و پاشی ل لێدانا ئێكێ زیانێن مەزن ئەمریكا و ئیسرائیل گەهاندنە ئیرانێ و ب سەدان سەركردە و وەزیر و بەرپرسێن ئیرانێ كوشتن، ژ وان خامەنەئی (المرشد الاعلی) پاشی عەلی لاریجانی. بێگومان ئیرانێ ژی بەرسڤێن مەزن بەرانبەر وان هەبوون ب مۆشەك و درۆن و رۆكێتان و هەروەسا ب تۆپ و فرۆكەیان و ئیرانێ هێرش كرنە سەر وەلاتێن كو بنگەهێن ئەمریكا لێ مینا ئیمارات، قەتەر، دوبەیی، بەحرێن، ئوردن، سعوودیە، كویت، ئیراق، هەرێما كوردستانێ و هەر جهەكێ ئیرانێ گومان هەبایە ئێكسەر بومبەباران دكر ب هەمی جۆرێن چەكێن دویر هاڤێژ و ب رێكا فرۆكە و گەمی یان ژی ب رێكا كۆم و گرۆپێن سەررێ دا چووین وەكی حزبوللا و (سرایا السلام) و حەشدت شەعبی و زۆر گرۆپێن دی یێن چەكدار ل دەڤەرێ و ب تایبەت دەڤەرا رۆژهەلاتا ناڤین, ئیران شیا زیانێن مەزن و بەرچاڤ بگەهینتە بەرژەوەندیێن ئەمریكا ل دەڤەرا رۆژهەلاتا ناڤەراست, ب بۆچوونا من پتریا شەڕان لسەر دەڤەرێن كوردانە و هەردەم كورد بووینە قوربانی بەرژەوەندیێن بەرژەوەندخوازان و وەلاتێن زلهێز چاڤ ل كوردستانێ و خێر و بێرێن كوردستانێ نە و كوردستان دهێتە نیاسین دەڤەرەكا باكیزە ئانكو كوردستانا عەزرا كو ب سەدان بەلكو ب هزاران ماددێن بهادار د ناڤا ئەردێ كوردستانێ دا هەنە، هەر دیسا ئاڤەكا مشە كو دیجلە و فورات كو ل دویڤ ژێدەران چ جاران هشك نابن ل ئەردێ كوردایە و ژبلی وزەیا گوهۆرك ئانكو وزەیا رۆژێ كو باشترین جهێ وەرگرتنا وزەیا رۆژێ ل كوردستانێ ژ بلی گازێ, لەوما دبێژم بتنێ شەڕ ل سەر كوردستان و كوردایە و ل سەر كوردان فەرز دكەن و رۆژانە هێرێن مۆشەك و درۆنان دهێنە سەر هەرێما كوردستانێ و حوكمەتا هەرێمێ خۆ نەكریە لایەنەك ژ ڤی شەڕی، لێ ل رێكەفتی (24,3, 2026) ئیرانێ هێرش كرە سەر پێشمەرگێ كوردستانێ ل دەڤەرا سۆران و(6) پێشمەرگە شەهیدكرن و نێزیكی (30) پێشمەرگێن قارەمان بریندار بوون, كورد مللەتەك جوامێرن گەلەكێ ئاشتیخوازن و یێ حەز مرۆڤدۆستی و براینی و ئارامیێ دكەت دێ هەر بسەركەڤیت و ب تنێ دێ هەرددەم راستی بسەركەڤیت و بلا دەنگێ دهۆلێن شەڕی و شەڕخوازان ژ مە ئانكو ژ كوردان و وەلاتێ كوردان و كوردستانێ دویر بكەڤن و كورد ب تنێ ئارام و ئاشتیخوازن، داكو كورد ب ئارامی و ئاشتی بژین.
