ئەڤرۆ و سوبەهی دێ چار دیدارێن تۆلڤەكرنێ و گەهشتن بۆ پێش دووماهییا چامپیۆنزێ هێنە كرن
چاڤەڕێ دهێتە كرن ئەڤرۆ و سوبەهی چار یاریێن هاتنێ و ئێكلاكەر بۆ دەربازبوونێ دناڤبەرا هەشت هێزێن ئۆرۆپا بهێنە كرن ئەو دێ بیتە شەڤانێن تایبەت بۆ حەزژێكەرێن وەرزشی و یانەیێن پشتەڤانیێ لێدكەن كو دێ ژ چارچووڤەیێ قووناغا چارێك دووماهییا قارەمانییا یانەیێن ئۆرۆپا قارەمانێن خولا چامپیۆنز لیگ ل دەمژمێر 10ی شەڤ هێنە كرن.
دو یاریێن ئەڤ شەڤە دێ بڤی شێوەیی هێنە ئەنجامدان
لێڤەرپۆل – پاریس سانجێرمان
ب دورشمێ تۆلڤەكرن و ڕیمۆنتادا بڕیارە یانەیا لیڤەرپۆل یا ئنگلتەرایێ دناڤ ئەرد و جەماوەرێ خوە دا یانەیا پاریس سانجێرمان هەلگرا ناسناڤێ وەرزێ بۆری یا چامپیۆنزلیگێ مێڤان بكەت، دیارییا حەفتییا بۆری یا ڤێ قووناغێ و گەڕا چوونێ یانەیا پاریسی شیابوو ل ئەردێ خوە ب دو گۆلێن پاقژ سەركەڤتنێ ل سەر یانەیا لیڤەرپۆل بینیت، دبیت ڕیمۆنتادا بۆ خودانێن ئەردی ب زەحمەت نەبیت هەكە ب زمانێ وەرزش بدانین، لێ هەكە ب راستی دا و رەوشا هەردو یانەیان دیار بكەین یانەیا فرەنسی لڤی وەرزی باشترین ئەنجام و ئاست د خولا ناڤخوە و ئۆرۆپی ب سەرپەرشتیا ڕاهێنەرێ ئیسپانی لویس ئێنرێكی دەستڤەئیناینە، د بەرانبەر دت لێڤەرپۆل د خول و كۆپا ئنگلتەرایێ دا د لاوازترین ئاست و ئەنجامدایە، پشتەڤانێن وێ ژێ توورەنە و بتنێ یا مایە ددەستێ ڕاهێنەڕێ وێ ئارنی سلۆت ئەوە دڤێ قارەمانیێ دا دەستكەڤتەكی بینیت، یارییا ئەڤشەڤە چو بژاردە نینن دڤێت ڕیمۆنتادا هەبت كو زێدەتری سێ گۆلان بكەن و چو گۆل ل سەر نەهێنە تۆماركرن، ئەڤە ژی ب سانەهی نابیت بەرانبەر یانەیەكا ب سەرۆسیما قارەمانا وەرزێ بۆرییە.
دیدارێن ئاگرین دناڤبەرا واندا هەنە
لدووڤ ئامارێن هەردو یانەیان حەفت یاریێن فەرمی د ناڤبەرا واندا هاتینە كرن، پاریسێ چار سەركەڤتن، لیڤەرپۆل سێ سەركەڤتن ئینایە، ل دووڤ كاودانێن هەردو تیما و پێشبنییان دبیت پاریس بشێت ئەنجامەكێ باش بینیت و هزر د پاراستنا ناسناڤێ خوەدا بكەت ژبەركو تۆماركرنا سێ گۆلان ژلایێ لیڤەرپۆل بەرانبەر پاریسێ حساباتێن ب زەحمەتن.
ئەتلەتیكۆ مەدرید- بەرشەلۆنا
ئێك ژ یاریێن دی یێن ئاگرین د هەڤڕكیێن چامپیۆنزا ئەڤ شەڤە دا كو دێ بیتە دێربییەكا ئێسپانی د خولا چامپیونزلیگێ دا ئەوا بڕیارە یانەیا بەرشەلۆنا ببیتە مێڤانا یانەیا ئەتلەتیكۆ مەدرید جەسمەرێ دویێ یا پایتەختی ئیسانیا كو دهێتە هژمارتن ئێك ژ هێزترین یاریێن ڤێ قووناغێ و تۆلڤەكرنێ، د یارییا حەفتییا بۆری یا ڤێ قووناغێ دا یانەیا بەرشەلۆنا تووشی خوسارەتیێ بوو ب دو گۆلێن پاقژ، ئەڤێ یاریێ دێ ل یاریگەها ئەتلەتیكۆ بیت هەرچەندە بۆ پرانییا یاریێن بەرشەلۆنا دهێتە پێشبینیكرن سەركەڤتنان بینت، لێ دڤێ یاریێ دا و چامپیۆنزێ دێ بزحمەت بیت، تایبەت بەرانبەر یانەیەكێ كو بتنێ هیڤیێن چامپیۆنزێ ماینە و دێ شەڕی بۆ پاراستنا ئەنجامێ خوە یێ یارییا بۆری بكەت ژبۆ مسۆگەركرنا دەربازبوونێ
ژبیر نەكەین بەرشەلۆنا ئەوا تا ڕادەیەكێ مەزن ناسناڤێ ئەڤ سالە یێ خولا ئیسانیا مسۆگەر كری دێ ب هوویری چاڤ ل ناسناڤێ چامپیۆنزێ ژی كەت و هزر د ڤی ناسناڤی ژی دابكەت ئەوا ئەڤە دبیتە یانزدە سال دووماهی جاربوو ناسناڤ بری، یارییا ئەڤ شەڤە تۆلڤەكرن، ڕیمۆنتادا و گەشكرنا هیڤیێن ناسناڤی نە.
پترترین دیدارێن خولێ و كێمترین یێن چامپیۆنزێ
ل دووڤ ئامارێن یاریێن دناڤبەرا هەردو یانەیان دا پترترین دیدار د ناڤبەرا واندا پەیدابووینە كو دگەهنە 250 یاریان، بتنێ سێ یاریێن چامپیۆنزێ بووینە یێن مایی هەموو د خول و كۆپا ئسپانیا دا هاتینە كرن، بەرشەلۆنا 114 سەركەڤتن، ئەتلەیكۆ 79 سەركەڤتن و 57 وەكهەڤی هاتینە، سەبارەت چامپۆنزێ بتنێ دو یاریێن قووناغا چارێك دووماهیێ و هەردو یارییان ئەتلەتیكۆ مەدرید بدەستڤە ئیناینە. دو یاریێن مایی دێ شەڤەكا دی بڤی شێوەیی هێنە كرن
ریال مەدرید – بایرن میونخ
دیدارەكا ئاگری و چاڤێ هەموو حەز ژێكەرێن وەرزشی ل جیهانێ دێ شەڤەكا دی یا رۆژا چارشەمبیێ ل یاریگەها ئالیانز ئارینا ل ئەلمانیا دەمێ یانەیا بایرن میۆنخ ل یاریگەها یانەیا ریال مەدرید یات ئسپانی د بهێزترین یاریێن ڤێ گەرێ دا مێڤان بكەت كو دهێتە هژمارتن چەمسەرێ دو زلهێزێن ئۆرۆپا.
دیارییا ئێكێ یا ڤێ گەڕێ دا كو دبیتە یارییا چوونێ یانەیا ریال مەدرید دناڤ ئەردێ خوە دا ب 2-1 تووشی خوسارەتیێ بوو، ئەڤ یارییە هەموو بۆچوون تێدا دهێنە پێشبینیكرن، ژبەركو هەردو یانە خودان سەربۆرێن مەزنن یێن چامپیۆنزێ، دبیت دەلیڤەیا بایرنێ بۆ دەربازبوونێ باشتر بیت ژبەر هەبوونا خالێن دەرۆنی و هێزتر ل دەڤ وێ، د بەرانبەر دا ریال د كاودانەكێ هەستیار دایە و هەبوونا كۆمەكا ئاریشەیان ژوانا ئەگەرێن ژدەستدانا ناسناڤێ خولا ئسپانیایە، لێ شارەزاهییا وێ د چامپیۆنزێ دا وەكرییە ترسێ بۆ بایرنێ پەیدابكەت،
د دیدارێن پێشتر یێن فەرمی دا ب تنێ 29 یارییان بەرانبەری ئێك بووینە، ڕیالێ 13 سەركەڤتن بەرانبەر 12 سەركەڤتن بۆ بایرنێ و چار وەكهەڤی هاتینە، لێ یارییا ئەڤ شەڤە دێ پێشبینییا وێ گەلەك یا بزەحمەت بیت، دڤێت ئێك بچینە پێش دووماهییا چامپیۆنزێ، ئەرێ ریالا هەلگرا 15 ناسناڤان یان ژی بایرنا هەلگرا شەش ناسناڤان دێ دەستڤەئینیت.
سپۆرتینگ- ئەرسنال
هەر ژ یاریێن شەڤا چارشەمبییا بهێت بڕیارە یانەیا ئارسنال یا ئنگلتەرایێ ل یاریگەها خوە یانەیا سپۆرتینگ لەشبۆنە یا پۆرتۆگالی د یارییەكا دی یا پری هەڤڕكی دا مێڤان بكەت، دیارییا بۆری یا ڤێ گەڕێ دا ئارسنال پێنگاڤەك بۆ قووناغا پێش دووماهیێ هاڤێژتیە پشتی ب گۆلەكێ سەركەڤتی و ژ یاریگەها وێ هاتی، لێ یانەیا سپۆرتینگ لەشبۆنە دهێتە هژمارتن هەسپا چامپیۆنزێ و نهێنێن هێزێ ل دەف هەنە ژبۆ گوهۆڕینا ئەنجامی و دەستڤە ئینانا پلێتەكی، دبیت ب سانەهی نەبیت دناڤ ئەرد و جەماوەرێ ئارسنال دا بینیت، لێ گۆلەك گەلەك نینە بۆ ڤەگەریان و گەشكرنا هیڤیێن خوە و دووڤدا بكەتە ڕیمۆنتادا، دیدارێن پێشتر د بەرژوەندیا یانەیا ئنگلتەرایێ دایە ئەوا ژ چار یارییان دو سەركەڤتن و دو وەكهەڤی هەنە.
