دێ بیتە شەڕ
دلدار محەمەد
ئەم ناگەهین روینن خوارێ لدەڤ بابێن خۆ
گوهدەینە خەمێن دایکێن خۆ
تێر بژین
تێر بچینە گوندی
تێر بگڕنژین
دێ بیته شەڕ
٭٭٭
هێشتا مەتێر خەون ب تەناهی نەدیتین
تێر سەرهاتی بۆ نەڤیکێن خۆ نەگۆتین
هێشتا مە تێر یاریک نەکرین
هێشتا نەگەهشتین دخەونێ دا
بەر ب سوباهییا خۆ بفڕین
دێ بیتە شەڕ
٭٭٭
هێشتا (تەیارا حەربی یه .. بابێ من جندی یه)
ژ گوهێن مە دەرنەکەفتی
هێشت کەڤالێ ماندیبوونێ
ژ دێمێ مە خوار نەکەفتی
هێشت تێر فڕۆکێن کاغەزی
نەفراندین
هێشتا مە لسەر دەفتەرکێن قوتابخانێ تێرا ژینێ
تەڤنێن هیڤیا نە راچاندین
دێ بیتە شەڕ
٭٭٭
هەر شەڕ و
هەر شەڕ و هەر شەڕ
ئەرێ شەڕ و
کەنگی ژ ناڤ خەلاتێن پشت پەریێن مە
ژ پشت پێچۆلکێن ژدایکبوونێن مە
ژ دەرازینکا مالێن مە
ژ چاڤێن مە
ژ خەونێن مە
دێ چیە دەر.
