وەرزێ ئەڤ سالە دادڤان د خرابترین ئاستێ خوە دانە
د دیدارەكێ دا باسم قاسم ڕاهێنەرێ تیما یانەیا هەولێرێ گازندە ژ ئاستێ دادڤانان كر و هیڤی خواست لژنەیا دادڤانان ل فدراسیۆنا فوتبۆلا ئیراقێ ب ڕژدی كار ل سەر نە هێلانا شاشیێن وان بكەت و سەرسۆرمانیا خوە دیاركر ب هەبوونا سیستەمێ ڤارێ و ئەو شاشی د بەردەوامن.
زێدەتر ناڤهاتی گۆت: وەكو ڕاهێنەر د خولا ئیراقێ دا دێ بیتە نێزیكی 30 سالە كار دكەم، هەردەم ژی من نەڤیایە گەلەك بەحسی شاشیێن دادڤانان بكەم و كێمتر ئاخڤتیمە، ژبەركو دڤێت ئەم ببیتە پشكەك ژ چارەسەكرنا هەر ئاریشەیەكێ یان شاشیەكێ، لێ ئەوا د وەرزێ ئەڤ سالە دا دبینم ئەو بێدەنگی شكاندیە و نەچاركریمە یا پرانییا ڕاهێنەر ئەوێ گازندێ دكەن، مخابن وەرزێ ئەڤ سالە دادڤان د خرابترین ئاستێ خوە دانە، هەر پشتی بۆرینا 10 سالان.
باسم قاسم گۆت ژی: لڤێرە دا هەكە فدراسیۆنا فوتبۆلا ئیراقێ بڤێت شاشیان كێمبكەت و وەرزەكێ سەركەڤتی بیت، سەرباری بتنێ نێزیكی نەهـ یاری ماینە دێ ب دووماهی هێت، ب ڕژدی كار بكەت و شاشیێن وان ڕاستڤە بكەت بڕێیا هوشداریان و سزایان، ئەم حێبەتی دمینن دەمێ سیستەمێ ڤارێ هەبیت و دادڤان شاشییان بكەت، هیڤییا مە ئەوە ئێدی ئەو شاشی نەمینن.
