گـوهۆڕینا پارێزگـارێ كـەركـووكـێ د شازدەیێ دا
خـالد ئـەحمەد بـادی
نڤێسەر و رەوشەنبیر (ئەمیر تاهری) د گۆتارەكا خۆ یا د رۆژناما (شەرق ئەل ئەوسەت)؛ دا یا ژمارە (8907) ل رێككەفتی (19, 11, 2011) بەلاڤكریە كو ئاشكرایە رێژەیا توركمانان ل ئیراقێ (1%) نە، هەروەسا زۆر بەلگە نڤێسین، نەخشە هەنە كو كوردایەتییا كەركووك و دەڤەرێن دی یێن ڤەقەتیای دیار دكەن؛ لێ پتریا وەلاتێن زلهێزێن جیهانێ یێن خۆدان بریار و شیان و حوكمەتێن دەستهەلات ل ئیراقێ كری زولم و ستەمەكا ئێكجار مەزن ل مللەتێ كورد كریە، بێ بەهر كرینە ژ هەمی مافێن وان یێن رەوا. هەر د قووناغا شۆرشێن كوردی دا، بتایبەت شۆرشا ئیلۆنا مەزن گولانا پێشكەفتنخواز زۆر جاران دانوستاندن دهاتنەكرن ل ناڤبەرا سەركردایەتیا كوردی و حوكمەتێن ئیراقێ دا ل سەر هەموو خالان د نێزیكبوون، بتنێ لایەنێ كوردی ب سەركێشییا خۆدێ ژێ رازی (مەلا مستەفا بارزانی) رازی نەدبوو، چونكو لایەنێن ئیراقێ كەركووك دەڤەرێن دی ب عەرەب ل قەلەمددەن. نوكە ژی ئەو سیناریۆ یا بەری چەندەها سالان نوی دبیتە ڤە ژلایێ دەستهەلاتدارێن ئیراقا فیدرال و هەڤالبەندێن وان ڤە كو ب خزمەتكار دهێنە نیاسین، ئەو سیناریۆ بوو فلم نوكە ئەو فلم یێ بەخش دبیت ل هەمی كەنالێن جیهانی و بتایبەت ل كەنالێن دوژمنان، نزانم مەسەلا ژمارە (16) شازدەی ئوكتۆبەر چیە ل دەڤ هندەك لایەنان كو بوو شازدەیا دووێ یا ئوكتۆبەرێ رێككەفتنامەكا بنڤە بنڤە ونهێنی هاتیەكرن و كەركووكا دلێ كوردستانێ رادستی دوژمنان كری و كورد دویركرین ژ كەركووكا كو رویبار و جۆیێن خوینا گەشا گەنج و لاوان ژخەلكێ شۆرشگێرێن كوردان ل سەر باژارێ ناڤبری هاتینە رشتن بەرچاڤ بكەین، جهێ داخێ یە خیانەت یا ل كوردستانێ دهێتەكرن بازرگانیكرن یا ب كەركووكێ و دەڤەرێن دی دهێتەكرن، هەڤڕكیێن مەزن یێن ل سەر كەركووكێ دهێنەكرن و ئەو هەڤڕكی بوونە ئەگەر كو بهایەكێ مەزنتر یان پارەكێ مەزنتر ل سەر كرین و فرۆتنا كەركووكێ بدەن و كەركووك ژ دەستێن كوردان چوویە ڤە. گوهۆرینا پارێزگارێ كەركووكێ و بەری چەندین رۆژان دانانا سەرۆكێ ئیراقێ ب پشتەڤانیا دوژمنێن كوردان یێن كو نەحەز و نەڤییانی یا كوردان د دلی دا هاتیە خەپارەكرن و رەهێن وێ نەڤیانێ خۆ ئێكسەر ل دلی دان و ئیكسەر جەلتە ل لاشێ كوردستانێ هەمیێ دا، ئەز وەكو كوردەك دبێژم مە چ پەیوەندی ب لایەن و پارتان ڤە نینە، لێ ئالیەتا هەلبژارتنا سەرۆك كۆمارێ ئیراقا فیدرال فەربوو ب ئێكرێزی و ئێكگرتنا كوردان بایە و هەمی لایەنێن كوردی خۆ نەكرە ئێك و دوژمنان ب دەرفەت دیت دەمێ ڤالاهیەك پەیدابووی، ئێكسەر دەرفەت دیت و شیان وەكو خۆ بكەن. دانانا نزار ئامێدی یان راكرنا پارێزگارێ كوردێ كەركووكێ نەكسەكا دی بوو ب مللەتێ كورد كەفتی، لێ ئەم باسێ ئالیەتا هەلبژارتن و دەستنیشانكرنێ نە یا دروست بوو و زۆر دەستێن پیس یێن قرێژی ب دوژمناتیا كوردان ڤە چوونە د ناڤ دا و پرۆسە بەرب ئاقارەكی. ئەگەر ب راستی وەكو كوردەك زۆر خۆشحالبووین ب دانانا كوردەك وەكو سەرۆك كۆمار لێ ئالیەت و بەهنگاری نە دبەرژەوەندیا گەلێ كورد دا بوو. ب بۆچوونا من؛ دێ پشتی ماوەكێ دی دێ دیار بیت ئەو سیناریۆیا بۆ پارێزگارێ كەركووكێ دروستبووی، دێ ل دەمێن داهاتی بۆ سەرۆك كۆماری ژی دروست بیت. كورد هەردەم پێدڤی ب ئێكرێزی و ئێكگرتنێ نە، ئارام و پاراستی بیت هەرێما مە, سەركەفتی بیت كوردستانا رەنگین بریقەدار.