هندەک ژ مفایێن باجانسۆرکان

​باجانسۆرک ئێکە ژ وان کەرەستێن کو زێدەترین بکارئینان ل لێنانگەهان هەی. ژبەرکو یا دەوڵەمەندە ب ڤیتامین، کانزا و پێکهاتەیێن رووەکی، چەندین مفایێن ساخلەمی یێن گرنگ هەنە.
​ل دویڤ نووچەیەکێ مالپەڕێ “lebanon24”، باجانسۆرکان رێژەیەکا زۆرا ڤیتامینێن A ، C ، K دگەل پۆتاسیۆم و فۆلیک ئەسید تێدانە. ئەڤ چەندە بوویە ئەگەر کو گەلەک ب مفا بیت بۆ ساخلەمیا پیستی، چاڤان و کۆئەندامێ بەرگریێ. هەروەسا ماددێ ڵایکۆپین تێدایە، کو دژە-ئۆکسانەکێ ب هێزە و هاریکارە بۆ کێمکرنا مەترسیا تووشبوونێ ب نەخۆشیێن دل و هندەک جۆرێن پەنجەشێرێ.
​خوارنا باجانسۆرکان ب شێوەیەکێ رۆژانە ئەڤان مفایان دگەهینیت:
​ب هێزکرنا ساخلەمیا دلی: پاراستنێ ل دلی و دەماران دکەت.
​باشترکرنا هەرسا خوارنێ: هاریکاریا کۆئەندامێ هەرسێ دکەت.
​پشتەڤانیا هەستیان: ساخلەمیا هەستیان دپارێزیت.
​تەڕکرنا لەشی: هاریکارە بۆ هندێ لەش یێ شهدار بیت و هەوکرنان کێم دکەت.
​باجانسۆرک دشێت د ناڤ زەڵاتان دا بهێتە خوارن، یان ب کەلاندی د ناڤ سۆس و شلەیا دا بهێتە بکارئینان، ب بێ کو بهایێ خۆ یێ خوارنێ ژ دەست بدەت.

کۆمێنتا تە