گرۆپێ خوینێ کارتێکرن ل سەر جەلتا دلی و مەژی هەیه
پشکەک ژ ڤەکۆلینەکا زانستی یا نوی دیار دکەت کە جۆرێ گرووپێ خوینا مرۆڤی پەیوەندیەکا راستەوخۆ ب ئاستێ مەترسیا تووشبوونێ ب جەڵتا مێشکی ڤە هەیە د عەمرێ بەری ٦٠ سالیێ دا.
ل دویف مالپەرێ زانستی یێ “ScienceAlert”، ڤەکۆلینەکا بەرفرەهـ کو ئەنجامێن ٤٨ ڤەکۆلینێن جیناتی بخۆڤە دگریت و پشکنین بۆ داتایێن ١٧ هزار نەخۆشێن جەڵتا مێشکی کرینە، ئاشکرا دکەت:
گرووپێ خوینێ (A): ئەو کەسێن ڤی گرووپێ هەڵدگرن، ب ڕێژەیا ١٦٪ مەترسیا وان زێدەترە بۆ تووشبوونێ ب جەڵتا مێشکی یا پێشوەخت (بەری عەمرێ ٦٠ سالیێ) بەراورد ب گرووپێن دی یێن خوینێ.
گرووپێ خوینێ (O): د بەرامبەر دا، ئەو کەسێن گرووپێ خوینا وان (O) یە، مەترسیا تووشبوونا وان ب ڕێژەیا ١٢٪ کیمترە.
ئەگەر چ نە؟
زانایێن زانکۆیا مێریلاند ئاماژێ ب هندێ دکەن کو جەڵتا مێشکی د عەمرێ گەنجاتیێ دا پتر پەیوەندی ب فاکتەرێن مەهینا خوینێ، کارکرنا خڕۆکێن سپی و پەڕۆکێن خوینێ ڤە هەیە، نەکو ژبەر چەوریێ د دەماران دا (کو ئەڤە پتر د عەمرێ پیریێ دا رووددت).
هەروەسا دیار بوویە کو گرووپێ خوینێ (B) ژی ب ڕێژەیا ١١٪ مەترسیا جەڵتا مێشکی هەیە بێی کو عەمر بهێتە بەرچاڤگرتن.
نۆشدار دلنیاییێ ددەن کو ئەڤ ڕێژەیە هێشتا د بچووک خۆیا دکەن و پێدڤی ب دڵڕاوکێ یان پشکنینێن تایبەت ناکەت. ئەڤە ب تنێ دەرگەهەکێ نوو یە بۆ تێگەهشتنێ ژ میکانیزمێن جودا یێن جەڵتێ د ناڤبەرا گەنجان و کەسێن ب تەمەن دا.
