9/6/1985 كارەساتـەكا مەزن کو چ جاران ناهێتە ژبیركرن
سـەبـاح بـەیتوڵـلا
ڕاست دبێژن ئازادیێ و ڕزگاریێ قوربانی دڤێت، پێشمەرگێن قەهرەمان ل بەرۆكێن بەرخۆدانێ؛ داستانێن مەزن تۆماركرن و دربێن مەزن ل دوژمنی ددان, ڕێكخستن و دلسۆزێن پارتی و بارزانی د ناڤ جەرگێ كوردستانێ دا، بەرفرەتر و مەزنتر دبوون و دوژمن تووشی حێبەتیێ بوون.
قەهرەمانێن مە د ناڤا زیندانێن دوژمنی دا وەكو چیایێن خۆرستی مانەڤە و بۆ چەند دلۆپێن خوینێ، سەرێ خۆ و بەژنا خۆ بۆ دوژمنی نەچەماند و پێلاڤا وان ل تاجا دوژمنی مەزنتر بوو.
ژ بۆ تۆلڤەكرنا شكەستنێن خۆ، ل گەل ئەلندا سپێدێ ل ٩-٦-١٩٨٥، (٦) باڵەفرێن سیخۆرێن ڕژێما بەعسا گۆڕ ب گۆڕ ئۆڕدگایێ ئاوارەیان ل زێوەی بۆمباران كڕ كو هێشتا هندەك خەلك د خەودابوون و قوتابی ژی چووبوون باوەرنامەیێن خۆ ل قوتابخانێ وەرگرن چ دیمەنەكێ دلتەزێنە چ وێنەیەكێ ناخ هەژینە، دەست و سەڕ و قەلەم و دەفتەر و پیڕ و ژن و زاڕۆك و گەنج لاشێن وان پارچە پارچە بوون و پتر ١٥٠ كەسان شەهـید بوون و پتری ٣٠٠ كەسان ژی بریندار بوون.
دوژمنی وەسا هزر دكر ب ڤان كریارێن ترسنۆكانە و دوور ژ عورف و بها و ئەخلاقەكی، دێ شێت ئیڕادەیا قەهرەمانێن پارتی و بارزانی لاواز كەت؛ لێ نەزانی دێ بەرخۆدان و فیداكاری و قوربانی، سەركەفتن و پێشڤەچوون بەر ب سەرفەرازیێ ڤە دێ مەزنتر و بەرفرەهتر بن.
جەنابێ سەرۆك مەسعود بارزانی هاتە ناڤ كەس و كارێن شەهید و برینداران، خەم و كۆڤانا خۆ دەڕبری و ڕۆندك بۆ باراندن، لێ كەس و كارێن قوربانیان و شێرە ژنەكێ كو چار زارۆیێن وێ شەهـید ببوون گۆتە جەنابێ سەرۆك مەسعود بارزانی: ئەڤێ رێبازا پیرۆز قوربانی دڤێت، خۆگوریكرن دڤێت و من دو كۆرێن مایین، دێ وان ژی گۆری كورد و كوردستانێ و ڕێبازا پیرۆزا پارتی و بارزانی كەم.
میللەتەكی، پارتەكێ، ڕێبازەكێ ئەڤ میللەتە هەبیت ب ڤێ ئیڕادەیا مەزن و پیڵایی ئەڤ دلسۆز و فیداكارە، هەبن چ جاران ناشكێت و هەمی بەربەستان دێ شكێنن و دێ گەردەنا رۆژا ئازادیێ و سەربەستیێ ماچی كەت.
خۆینا وان بێ تاوانان و هەمی شەهید و ئەنفالكری و مێرانیا پێشمەرگێن قەهرەمان و خۆڕاگریا خەلكێ مە بوونە پر و گەمی بۆ كاروانێ سەربلندیێ و خوینا وان بۆ خەنا بۆ دەست و پێن شەنگە بویكا ئازادیێ.
سڵاڤ بۆ گیانێ بڵند و پیرۆزێ شەهـیدێن ئوردگەهێ زێوەی و تەڤایا شەهیدان و سەروەرێ وان بارزانیێ نەمر و ئیدریسێ جوانە مەرگ.
سلاڤ بۆ پێشمەرگێن قەهرەمان و خۆڕاگریا خەلكێ مە ل ئاوارەیێ و دەربەدەریێ،
بهارا ١٩٩١ بەرسڤا دوژمنی داڤە و كۆچك و دیوانێن زۆلم و زۆریێ هەڕفاندن و دەنگێ سەرهەلدان ژیانە، بەرخوەدان ژیانە سەرتاسەری كوردستانێ ڤەگرت و گیانێ پیرۆزێ شەهـیدان شادبوو و كوردستان ژی هەر ئاڤەدان بیت و میللەت ژی بەختەوەڕ بیت= و سەركەفتن ژی هەر و هەر بۆ پارتی و رێبازا پیڕۆزا بارزانییە.
