هەرێما كوردستانێ بەرهەمێ قوربانیدانێن شۆرشگێرانە
خالد ئەحمەد بادی
هەرێما كوردستانا ئیراقا فیدرال بەرهەمێ خوینا سەدان هزاران شەهیدانە بەرهەمێ زیندانیێن سیاسی بەرگری مللی شۆرشگێران، ئاوارەیان و قارەمانان دلسۆزان كو ب رویبارێن خوینا شەهیدێن كوردستانێ ئەڤ رۆژە بۆ كوردان بەرپا كری یە, بۆچوونا من یا تایبەتە كو بەری چەندین سالان من دگۆت ئەوا ل ناڤبەرا لایەنیێن سیاسی دا ل هەرێما كوردستانێ رویددەت ب تنێ سیناریۆنە د بەرژەوەندیا دوژمنێن كوردان دا دهێنە ڤەهاندن, مخابن دیرۆكا كوردان ئەڤ رستە و رێزێن نەخۆش د ناڤدانە پتریا جاران دوژمناتیا هەڤدو كریە و د بەرژەوەندیا دوژمنان دا ئەنجام دباش بوون، ئانكو دوژمنان ئەو دوبەرەكی دروست دكر دا كو د ئێكگرتی نەببانە, دوژمنان باش دزانی بتنێ ئەگەر كورد د ئێكگرتی بن چ وەلات و لایەن نەشێن كونترۆلێ ل سەر كوردان بكەن, باشترین بەلگە بۆ ئاخفتنێن من ل دەمێ شۆرشا گولانا پێشكەفتنخواز بەرەی كوردستانی دروست بوو بەرهەمێ وێ سەرهلدانا پیرۆز و حوكمەت و پەرلەمانێ كوردستانێ بوون, لەوما دیار دكەم كو ب راستی پشتی سەرهلدانا پیرۆز بۆ مە هەمییان مینا خەونەكێ بوو كو كورد دەستهەلاتی ل مە بكەن چ لایەن بیت ب تنێ كورد بن و د بەرژەوەندیا كوردان دا بن نە دوژمنان, لێ ئەو سیناریۆیێن ل هندەك دەڤەرێن كوردستانێ دروست دبوون، دوژمناتیا قەوارەیێ هەرێما كوردستانێ تێدا دیاردبوو كو شەڕێ پارتی هاتەكرن ژلایێ (puk) و شەڕ هاتە سەر پارتی ژ لایێ (pkk)ێ و نوكە ژی ئەڤ سیناریۆیە یێ نوی دبنە ڤە دەمێ گۆتی گۆران ژ (ینك) ڤەبوو ب بۆچوونا من یا تایبەت من گۆت سیناریۆنە و پاشی دەمێ نەوەیی نوی پەیدا بووی، دیسا من گۆت ئەڤ سیناریۆ و فلمەكێ دییە، ینك دكەت و وەكی من دەركەفت, ب راستی نابێژم پارتی كێماسی نینن، بەلكو هەنە لێ خالەكا بەرچاڤ و چەسپاندی ل دەڤ پارتی هەیە كو چ جاران (مساوەمە ل سەر قەزییا كوردی نەكریە) ئەڤ خالە وێ چەندێ دیار دكەت و بیرا مە ل ئاخفتنێن مەزنان یێن كوردەواری دئینیت (دارا بەرین بەردچنێ). هەرێما كوردستانێ ب دەستوورەكی هاتیە دروستكرن ب رازەمەندی یا ئیراقا فیدرال, هەر دیسا ب چاڤدیری یا وەلاتێن زلهێزێن جیهانێ ب تایبەت (وەلاتێن هەڤگرتی, un) چونكو هەرێما كوردستانی (100%) دەستووری یە و ل سالا ((2005) ێ ماددێ (117) دیاردكەت كو هەرێما كوردستانی رەسمی یە و دانپێدان پێ هاتیە دان كو هەرێم دێ خۆ برێڤەبەت و هەمی دسهەلات هەنە, ئەگەر ئەم ل ناڤەرۆكا فەرهەنگا دیرۆكێ دا بنێڕین، دێ بۆ دیاربیت كا ئەو كیینە و وان چ كریە و ئەو چ بوون ل سەر دەمێن جاشاتیێ دا, ل ڤان چەند رۆژێن دەربازبوویی، مە دیت شاسوار عەبدولواحد كەبابچی چەندین سیناریۆ دروستكربوون ل گەل شریكێن خۆ یێن ل سلێمانیێ و ئەو سیناریۆ ب تنێ ل دژی هەرێما كوردستانێ بوون, نوكە دیاربوون ل بەری چەند رۆژان داخۆیانیێن ئاگرین ژ دەڤێن دەڤبخوین دەركەفتن دەڤێن ژەهراوی كو مخابن كەسەك بناڤێ كورد بیت و وان داخۆیانییان بدەت, كو شاسواری دپرێس كۆنفرانسەكێ مەزن دا گۆتیە یان دڤێت ئەڤ دەستهەلاتە بروخیێت یان ژی قەوارەیێ هەرێما كوردستانێ نەمینیت .
