چار ترۆمبێل و دو خانی د ناڤا گرێبەستا وی دانە
پشتی ب فەرمی ستێرێ مسری محەمەد سەلاج گرێبەستا یانەیا ترابزۆن سپۆرت یا توركی ئیمزاكری، ئەوێ ژ یانەیا لبڤەرپۆل یا ئنگلتەرایێ هاتی، ڕاپۆرتنێن رۆژنامەڤانی دناڤا گرێبەستا وی دا چەند خالێن سەرنجراكێش بەلاڤكرینە و بڤی شێوەیی.
ل دووڤ ڕێكەڤتنا دناڤبەرا یاریزانی و یانەیا توركی دا هاتی كو سالانە یانە دێ 30 ملیۆن یۆرۆیان پێشكێشی محەمەد سەلاحی كەت، هەروەسان20 ملیۆن یۆرۆ پاداشتێ ئیمزاكرنا گرێبەستێ، ژلایەكێ دووڤە 14 ملیۆن یۆرۆ بۆ بریكارێ وی نە، دیسان پشكەكا داهاتێن درێسان دێ بوو یاریزانی بیت.
ژ خالێن سەرنج ڕاكێش یێن گرێبەستێ، یانەیا ترابزۆن دێ ل دوبەی ڤێلایەكا شاهانە بۆ دابینكەت هەروەسان ل ئۆزۆنگۆل ڤێلایەكا دی ژی دابینكەت، هەروەسان بۆ دایكۆبابێن محەمەد سەلاحی خانیەكێ دابینكەت، دیسان چار ترۆمبێلێن جورێBMW یێن شاهانە بۆ هەر ئێك ژ باب، دایك، برا و خێزانا وی دابینكەت، دگەل دا بۆ زاروویێن وی دێ ئێك ژ باشترین قوتابخانەیێن تایبەت بۆ دەستنیشانكەت، دیشان 25 هزار یۆرۆ هەیڤان بۆ پێدڤیێن خێزانا وی ل گەل 35 هزار یۆرۆ بۆ پێدڤیێن مالی بەرهەڤكەن، هەروەسان كەسەكێ شارەزا یێ خوارنێ و پاسەوانەكێ تایبەت بۆ وان بەرهەڤكەت.
