پیرس عهلی: ژبهر فوتبۆلێ كهسێ ئاگههـ ژ مه نینه
دیدار : تاهر رێكانی
د داخۆیانیهكێ دا یاریزانێ پارێزگەها دهۆكێ و ههلبژارتیێ ئیراقێ بۆ یارییا تەپا سەرمێزێ بۆ رۆژنامهیا ئهڤرۆ گازندە ژ لایهنێن پهیوهندیدار دكهت گۆت: ئهوان ئاگههـ ژ رهوشا وهرزشڤانان نهمایه ژبهر كو ههموویان بهرێ خۆدایه یاریا فوتبۆلێ، بێ گۆمان دهسكهفتێ یاریزانهكێ تاك كێمتر نینه ژ تیمهكا ب كۆم كو پارهكێ زهبهلاح لێ دهێته مهزاختن.
زێدەتر پیرس عهلی گۆت: نوكە ل باژێرێ سلێمانیێ نە د كهمپێ راهێنانێ داینه خۆ بهرههڤكرنێ بۆ قارهمانیا رۆژئاڤا ئاسیا، ئهوا بڕیاره ههڤركیێن وێ ل دووماهیا ڤێ حهفتیێ ل وهلاتێ ئوردن بهێتەکرن، دگهل سێ یاریزانێن دی كو دو ژ بهغدا و ئێك ژ كهركوكێ بهرههڤیێن خۆ دكهین و یێ گهشبینم بشێم ببمه تاكه یاریزانێ كورد دگهل ههلبژارتیێ ئیراقێ پشكداربم و قارهمانیێ بدهستخۆڤه بینین، ژبهرك ئێك ژ باشترین تیماینه دڤێ قارهمانیێ دا، وەرزێ بۆری هەلگرا ناسناڤی نە، ئهڤ ساله لسهر ئاستێ یاریزانێن تاك ژی هاتیه ڤهكرن من باوهریا ههی رێزا ئێكێ ب دهستخۆڤه بینم.
لدووماهیێ پیرسی گۆت: ههڤده ساله پشکداری قارهمانی و كهمپا ل وهلاتێن ئاسیا و عهرهبی و ئێكهم یاریزانێ پارێزگههێ مه گههشتیمه ڤی ئاستی، بێ گۆمان ئهڤه بهرههمێ ماندیبوونا مه، مخابن هاریكاریا مه ناهێته كرن، وهرزش نه بتنێ فوتبۆله ئهگهر بوهایێ ههڤبهستا یاریزانهكێ فوتبۆلێ ل یاریا تهپا مێزێ هاتبا مهزاختن دا ههرسال قارهمانیێن ئیراقێ دەستڤەئینن.
