مۆسیالای ترس ئێخستە د دلێ پشتەڤانێن بایرنێ دا
ستێرێ ئەلمانی جەمال مۆسیالا یاریزانێ یانەیا بایرن میۆنخ ترس ئێخستە د دلێ پشتەڤانێن یانەیا خوە دا پشتی د یارییا شەڤا دەربازبووی بەرانبەر لایپزیك بێهۆش بووی د خولەكا 86ێ دا بوویە ئەگەر ڕاهێنەرێ تیمێ ب گوهۆڕیت.
لدووڤ ڕۆژنامەیا بێلد یا ئەلمانی جەمال مۆسیالا ئەوێ پێشتر نەشتەرگەرییەك بۆ پێ وی كری و پلاتین بۆ دانایی د یارییا بەرانبەر لایپزیك دا هەست ب ئێشانێ كر پاشان بێهۆشیەك بۆ پەیدابوو، ئەڤچەندە بوو ئەگەر ئێكسەر ڕاهێنەرێ تیمێ ڤێنسێت كۆپانی ب گوهۆڕیت و دەلیڤێ بدەتە تیما بزیشكی چارەسەرییا وی بكەت، لدووڤ دەنگۆباسان ئەو پێدڤی ب تاقیكرنێن نۆژداری هەیە ژبۆ ئێكلاكرنا هنگاڤتنا وی و ئەگەرێن بێهۆشبوونێ كو دهێتە پێشبینیكرن ژبەر گەرماتیێ بیت.
