هندەک ژ مفایێن هاتن و چوونێ ل سەر دەرەچکان
ڤەکۆلینەکا ساخلەمیێ یا نوى ئاشکراکریە؛ برێڤەچوونا سەر دەرەجکان ب شێوەیەکێ بەردەوام، مەترسییا مرنێ ب نەخۆشیێن دلى ب رێژەیا 39% کێمدکەت.
برێڤەچوونا سەر دەرەجکان مەترسییا مرنێ ب هەر ئەگەرەکێ بیت، ب رێژەیا 24% کێمدکەت ب هەڤبەرکرن ل گەل وان کەسێن سەر دەرەجکان هاتنوچوونێ نەکەن.
ڤەکۆلین ژ لایێ زانکۆیا رۆژهەلاتێ ئەنگلیا ب هەڤکارى ل گەل زانکۆیا نورویچ و نەخۆشخانەیا نورفۆلک هاتیە ئەنجامدان و تێدا داتایێن پتر ژ 480 هزار پشکداران هاتبوونە وەرگرتن.
ئەنجام دیاردکەن؛ برێڤەچوونا سەر دەرەجکان دبیتە ئەگەرێ کێمبوونا مەترسییا تووشبوونێ ب نەخۆشێن دلى وەکى جەلتەیێن دلى، جەلتەیێن مێشکى و ژکارکەفتنا دلى.
پرۆفیسۆر ڤاسیلیۆس ڤاسیلیۆ گۆت “مرۆڤ دشێت ب رێکا سیستەمێ ژیانێ یێ ساخلەم وەکى ئەنجامدانا چالاکیێن جەستەیى، خوارنا ساخلەم و خۆدویرکرن ژ جگارەکێشانێ، خۆ ژ نەخۆشیێن دلى و بۆریێن خوینێ بپارێزیت”.
برێڤەچوونا سەر دەرەجکان بژاردەیەکا ساخلەمە بۆ وان کەسان یێن نەڤێن بچنە هۆلێن وەرزشى.
