پێخوەشحالم هاتیمە زاخۆ
پشتی ب فەرمی كارگێرییا یانەیا زاخۆ گرێبەست ل گەل ستێرێ هەلبژارتیێ ئیراقێ عەلی جاسم یاریزانێ كۆمۆ یا ئیتالی بۆ دو وەرزان ئیمزاكری، د ئێكەم داخویانییا خوە دا ناڤهاتی كەیفخوەشییا خوە دیاركر هاتیە زاخۆ.
زێدەتر ناڤهاتی گۆت: بۆ وەرزێ ئەڤ سالە من پلان دانابوو ئەز ڤەگەڕیمە خولا ئیراقێ ژبەركو ئەڤە چەندین سالانە ئەز ژ دەرڤەیی وەلاتێ خوە مە، هەرچەندە كۆمەكا گرێبەستان بۆ من هاتبوو، من گەنگەشەگە ل سەر ئەوان هەموویان كر، ل دووماهیێ پشتی ب تەسەلی ل سەر گرێبەستا یانەیا زاخۆ ڕاوەستییام من پێ باشتر بوو ئەز گرێبەستا زاخۆ ب دلخوەشی ئیمزابكەم.
هەروەسان عەلی جاسم گۆت: ژبەركو یانەیا زاخۆ ئێك هژمارەكا ب هێزە د خولێ دا كو هەردەم بوویە هەڤڕكا هەموو یانەیان، یا گرنگن ناڤودەنگییا جەماوەرێ زاخۆ و پشتەڤانییا وان یا ب جوش و خرۆش بۆ تیما خوە ئەڤە ژی پالدەرەكێ سەرەكی یە بۆ بلندكرنا مۆرالا یاریزانان و ئەڤ جەماوەرە ژ هەژی هەر ئەنجامەكێ سەركەڤتی نە.
ژلایەكێ دووڤە یاریزانێ نوو یێ یانەیا زاخۆ ئێك ژ ئەگەرێن دی یێن سەرەكی بۆ ئیمزاكرنا گرێبەستا خوە دیاركر و گۆت: ئەو هزر و پلانێن مە هەردو لایەنان هەین نێزیكی ئێكن ئەوژی دەستڤە ئینانا سەركەڤتنان و دەستكەڤتان، ب هیڤی مە د ناڤا یاریگەهێ دا ببمە ئێك ژ ئەوا یاریزانێن كاریگەر و خالا پێشكەڤتنێ بۆ تیما خوە
