باسکێت بۆلا گارە بەرهەڤییان بۆ خولا پلا دویێ یا ئیراقێ دکەت
شاهۆ فەرید:
د داخویانیەکێ دا خەتاب عومەر ڕاهێنەرێ تیما باسکێت بۆلا یانەیا گارە د نوکە دا ل دووڤ بەرنامەیەکێ تایبەت ئەو یێ بەرهەڤیێن بەردەوام دکەین پێخەمەت پشکدارییەکا سەرفەراز بۆ خولا پلا دویێ یا ئیراقێ، ئەوا بڕیارە هەڤڕکیێن وێ دماوەیێ بهێت دا ژڤانێ وێ بهێتە دیارکرن.
زێدەتر ناڤهاتی گۆت: وەکو کادرێ ڕاهێنانێ حەفتییانە سێ رۆژ هاتینە دانان بۆ ڕاهێنانێن تیمێ خۆ بەرهەڤکرن بۆ وەرزێ نوو یا خولا پلا دویێ یا ئیراقێ، ئەم چاڤەرێ ژڤانێ دەستپێکرنا خولێ نە، هەرچەندە چو دیار نینە ژبەرکو د نوکە دا فدراسیۆنا ئیراقێ قارەمانییا ئاستێ کچان و خولا پیشەکاران ڤە مژویلن، لێ پێشبینی دکەین بچیتە مەها ئەیلوونا بهێت.
خەتاب عومەر گۆت: پشتی ڤەقەتیانەکا درێژ ژ پشکداریێن قارەمانییا پێخوەشحالین بناڤێ یانەیا گارە دوبارە دێ ڤەگەرینە پشکداریێن خولا ئیراقێ و ئەڤجارە ژی ب خووین گەرمێن گەنجێن باژێرێ خوە، هیڤییا مە ئەوە ژ د. عەلی تەتەر پارێزگارێ دهۆکێ پشتەڤانییا ڤێ تیمێ بکەت، ژبەرکو شیانێن باش هەنە بۆ هەڤڕکییا خولا پلا دویێ و ئێک و هەتا نایاب ژی.
بۆ زانین هەشت یانەیێن هەولێرا پایتەخت و سلێمانیێ پشکدارن یانەیا گارە ب تنێ ژ دهۆکێ پشکدارە، ئەڤ قارەمانییە یا ڤەکرییە بۆ هەموو یانەیێن هەرێمێ ژبۆ باشترین بەرهەڤی بۆ قارەمانیێن داهای ئەوا لدووڤ سیستەمێ خول ئێک قووناغ بشێوەیێ کۆمڤەبوون ل هەولێرا پایتەخت دهێتە کرن.
