بۆ ئێکەم جار سترانەکا دوو قۆلی ب زمانێن کوردی و ڕۆسی دهێته بەلاڤکرن
هونەرمەندا کورد ئانیس رەوشەن کو خەلکا ڕۆژهەلاتێ کوردستانێ یە د دیدارەکێ دا بۆ ڕۆژناما ئەڤرۆ دیارکر کو مە پێ باش بوو کو بۆ ئێکەم جار د مێژوویا هونەرێ کوردی دا کارەکێ جیاواز ئەنجام بدەین کو ئەز و هونەرمەند ئارمیك برایدا سترانەکا دوو قۆلی ب هەر دوو زمانێن کوردی و ڕۆسی بەلاڤ بکەین.
ناڤهاتیێ ئاماژە ب وێ چەندێ ژی کر کو ئەڤ سترانە ژ هەلبەستا هەلبەستڤانێ کورد هێمنی یە و ئاوازا وێ ژ لایێ ئێریڤانێ هاتیە دانان، و کارێ ڤیدیۆ کلیپێ ژ لایێ دەرهێنەر ناسر حەیدەر ڤە هاتیە کرن، و دیمەنێن ڤیدیۆ کلیپێ دناڤ سرۆشت و شوونوارێن هەر دوو وەلاتێن تورکیا و ئەلمانیا دا هاتینە گرتن.
گۆت ژی:»بابەتێ ڤێ سترانێ ل سەر حەزژێکرن و ڤیانێ یە و ب ڕێکا ڤێ سترانێ هەر دوو کەلتوورێن جوودا یێن کوردان و ڕۆسیان هاتینە تێکەلکرن، و د نوکە دا ئەز مژولی چەندین بەرهەمێن دی یێن هونەری مە کو ئەو ژی ل دەمەکێ نێزیك دێ هێنە بەلاڤکرن».
